சேலம் புத்தகத் திருவிழாவை 2 நாள்களில் 8,303 போ் பாா்வையிட்டுள்ளனா்: ஆட்சியா் தகவல்

சேலம் புத்தகத் திருவிழாவில் கடந்த 2 நாள்களில் பள்ளி, கல்லூரி மாணவ, மாணவியா், பொதுமக்கள் என 8,303 போ் பாா்வையிட்டுள்ளனா்.

இதுகுறித்து மாவட்ட ஆட்சியா் ரா.பிருந்தா தேவி தெரிவித்ததாவது:

சேலம் புதிய பேருந்து நிலையம் அருகே உள்ள மாநகராட்சித் திடலில் கடந்த 29 ஆம் தேதி புத்தகத் திருவிழா தொடங்கப்பட்டது. தொடா்ந்து, டிச. 9 ஆம் தேதி வரை 11 நாள்களுக்கு நடைபெறவுள்ளது. இப்புத்தகத் திருவிழா நாள்தோறும் காலை 10 மணிக்குத் தொடங்கி இரவு 9 மணி வரை நடைபெறுகிறது. இதில் நாள்தோறும் கருத்தரங்குகள், பயிலரங்குகள், கலை நிகழ்ச்சிகள், கருத்துரைகள் நடைபெற்று வருகின்றன.

சேலம் புத்தகத் திருவிழாவில் கடந்த இரு நாள்களில் 658 பள்ளி மாணவ, மாணவியா், 343 கல்லூரி மாணவ, மாணவியா் மற்றும் 7,302 பொதுமக்கள் என மொத்தம் 8,303 நபா்கள் வருகை புரிந்து பாா்வையிட்டு பயன்பெற்றுள்ளனா்.

தற்போது, தொடா் மழை பெய்துவரும் சூழ்நிலையில் புத்தகத் திருவிழாவில் வைக்கப்பட்டுள்ள புத்தகங்கள் நனையாமல் இருக்கும் வகையில் தேவையான பாதுகாப்பு நடவடிக்கைகள் மாவட்ட நிா்வாகத்தால் மேற்கொள்ளப்பட்டுள்ளன.

விடுமுறை நாளான ஞாயிற்றுக்கிழமை முற்பகல் 10.30 மணி முதல் 12 மணி வரை ‘சேலம் மாவட்டத்தின் கல்வெட்டுகள், நடுகற்கள்‘ என்ற தலைப்பில் வை.கலைச் செல்வனின் கருத்தரங்கமும், பிற்பகல் 12 மணி முதல் 2 மணி வரை பாா்வையாளா்களை கவரும் வகையில் ஆவணப் படங்களும், பிற்பகல் 2 மணி முதல் 3.30 மணி வரை இடைப்பாடி அமுதனின் கருத்தரங்கமும் நடைபெற்றன.

அதைத்தொடா்ந்து, மாலை 4.30 மணி முதல் 5.30 மணி வரை முதன்மை விருந்தினா் பவா செல்லதுரையின் ‘என் அன்பான புத்தகமே’ என்ற தலைப்பிலான கருத்தரங்கமும் நடைபெற்றது. இந்த மாபெரும் புத்தகத் திருவிழாவில், மாணவ, மாணவிகள், இளைஞா்கள், பொதுமக்கள் உள்ளிட்ட அனைவரும் வருகைபுரிந்து பாா்வையிட்டு பயன்பெற வேண்டும் எனக் கேட்டுக்கொண்டுள்ளாா்.