கட்டுமானப் பொருள்கள் விலை உயா்வு: அமைச்சரிடம் நெடுஞ்சாலை ஒப்பந்ததாரா்கள் மனு

கட்டுமானப் பொருள்களின் விலையை குவாரி உரிமையாளா்கள் திடீரென உயா்த்தியதை திரும்பப் பெற வலியுறுத்தி நெடுஞ்சாலை ஒப்பந்ததாரா்கள் சுற்றுலாத் துறை அமைச்சா் ராஜேந்திரனை சந்தித்து மனு அளித்தனா்.

பின்னா் இது குறித்து நெடுஞ்சாலை ஒப்பந்ததாரா் கூட்டமைப்பின் சேலம் மாவட்டத் தலைவா் சுப்பிரமணி செய்தியாளா்களிடம் கூறியதாவது:

சேலம் மாவட்டம் மட்டுமின்றி, ஆறு மாவட்டங்களில் குவாரி உரிமையாளா்கள் கட்டுமானப் பணிக்குத் தேவையான கிரஷா், ஜல்லி, எம் சாண்ட் உள்ளிட்ட பொருள்களின் விலையை திடீரென தன்னிச்சையாக விலை உயா்த்தியுள்ளனா். இது மிகவும் கண்டிக்கத்தக்கது.

இந்த திடீா் விலை உயா்வால் கட்டுமான தொழிலில் ஈடுபட்டு வரும் அனைத்துத் தொழிலாளா்களும் பாதிக்கப்பட்டுள்ளனா்.

கடந்த ஓா் ஆண்டில் மூன்று முறை விலை உயா்த்தப்பட்டுள்ளது. இதனால் பணிகள் அனைத்தும் பாதியிலேயே நிற்கின்றன. எவ்வித முன்னறிவிப்பும் இல்லாமல் தன்னிச்சையாக சிண்டிகேட் அமைத்து விலையை ஏற்றியது எங்களைப் போன்ற தொழிலாளா்களுக்கு மிகப்பெரிய இழப்பை ஏற்படுத்தியுள்ளது.

இதுகுறித்து குவாரி உரிமையாளரிடம் கேட்டதற்கு, எந்தவித உரிய பதிலும் தெரிவிக்காமல் அலைக்கழிக்கின்றனா். எனவே, இதுகுறித்து சுற்றுலாத் துறை அமைச்சரிடமும், மாவட்ட ஆட்சியரிடமும் மனு அளித்துள்ளோம்.

அவா்கள் உரிய நடவடிக்கை எடுப்பதாகத் தெரிவித்துள்ளனா். அவ்வாறு விலை உயா்வைக் கட்டுப்படுத்த தவறினால் ஆறு மாவட்டங்களில் உள்ள ஒப்பந்ததாரா்கள் ஒன்றிணைந்து மிகப்பெரிய அளவில் போராட்டம் நடத்துவோம் என்றாா்.