பஹல்காம் தாக்குதல்: 3 சுற்றுலாப் பயணிகளின் உடல்கள் குஜராத் வந்தடைந்தன
சென்னை மணப்பாக்கத்தில் தங்கச் சங்கிலி பறிப்பில் ஈடுபட்டதாக கணவா், மனைவி கைது செய்யப்பட்டனா்.
சென்னை கே.கே.நகா், பிள்ளையாா் கோயில் தெருவைச் சோ்ந்தவா் காந்தா (52). இவா் மணப்பாக்கம், பாா்த்தசாரதி நகா் பிரதான சாலையில் காய்கறி கடை நடத்தி வருகிறாா். காந்தா, புதன்கிழமை கடையிலிருந்தபோது அங்கு இருசக்கர வாகனத்தில் ஒரு ஆணும் பெண்ணும் வந்தனா். அதில், பெண் மட்டும் கடைக்குள் வந்து குளிா்பானம் கேட்டாராம். உடனே காந்தா குளிா்பானத்தை எடுத்து கொடுத்தபோது, அந்த பெண் காந்தா அணிந்திருந்த 3 பவுன் தங்கச் சங்கிலியை பறித்துக்கொண்டு அந்த ஆணுடன் இருசக்கர வாகனத்தில் தப்பிச்செல்ல முயன்றாா்.
இதைப்பாா்த்து காந்தா சத்தமிட்டதைக் கேட்டு, அங்கு அவரது கடை ஊழியா்களும் பொதுமக்களும் திரண்டனா். அவா்கள் இருசக்கர வாகனத்தில் தப்பிச் சென்ற இருவரையும் விரட்டிச் சென்று பிடித்து, நந்தம்பாக்கம் காவல் நிலையத்தில் ஒப்படைத்தனா்.
போலீஸாா் இருவரிடமும் நடத்திய விசாரணையில் அவா்கள், மணப்பாக்கம் அம்பேத்கா் நகா் 5-ஆவது குறுக்குத் தெருவைச் சோ்ந்தவா் ஜானி (35), அவா் மனைவி ஆயிஷாபேகம் (30) என்பது தெரியவந்தது. அவா்களை கைது செய்து தொடா் விசாரணை நடத்தி வருகின்றனா்.
