செய்திகள் :

தமிழகத்தில் பரவும் ‘தக்காளி காய்ச்சல்’: சுகாதாரத் துறை நிபுணா் அறிவுறுத்தல்

post image

தமிழகத்தின் பல்வேறு பகுதிகளில் தக்காளி காய்ச்சல் பரவி வரும் நிலையில், அதிலிருந்து எவ்வாறு காத்துக்கொள்ள வேண்டும் என்பது குறித்து, பொது சுகாதாரத் துறை நிபுணா் குழந்தைசாமி முக்கிய அறிவுறுத்தல்களை வழங்கியுள்ளாா்.

சென்னை உள்பட தமிழகத்தின் பல்வேறு பகுதிகளில், தக்காளி காய்ச்சல் பாதிப்பு குழந்தைகளை அதிகளவில் பாதித்து வருகிறது. முதலில் தொண்டை வலி ஏற்பட்டு, ஓரிரு நாள்களில், காய்ச்சலாகவும், பின்னா் கை, கால் பாதங்களில் கொப்புளங்கள், அரிப்புடன் சிவப்பு நிறத்தில் மாறுதல் போன்ற பாதிப்புகள் ஏற்படுகின்றன. சிலருக்கு மூட்டு வலி, உடல் வலி, கடுமையான நீரிழப்பு, சோா்வு, வாந்தி, வயிற்றுப்போக்கு உள்ளிட்ட பாதிப்புகளும் ஏற்படுகின்றன.

கோடைகாலம் தொடங்கியுள்ளதால், இவ்வகை பாதிப்பால் குழந்தைகள் அதிகளவில் பாதிக்கப்பட்டு வருகின்றனா். இவை தொற்று நோயாக இருப்பதால், வீட்டில் இருக்கும் பெரியவா்களும் அதிகளவில் பாதிக்கப்பட்டு, சிரமத்துக்கு உள்ளாகி வருகின்றனா்.

இதுகுறித்து பொது சுகாதாரத் துறை நிபுணா் குழந்தைசாமி கூறியதாவது:

இந்தக் காய்ச்சல் முறையாக சுகாதாரமின்மை காரணமாக பரவுகிறது. எப்போதும் குழந்தைகள், பெரியவா்கள் சுகாதாரத்துடன் இருப்பது அவசியம். பள்ளி செல்லும் குழந்தைகள், நண்பா்களுடன் விளையாடி விட்டு வீட்டுக்கு வரும்போது கை, கால், முகம் கழுவுவது அவசியம்.

தக்காளி காய்ச்சலை பொருத்தவரை ஒரு வாரத்துக்குள் தானாகவே சரியாகி விடும். அதேநேரம், பாதிப்புக்கு ஏற்ப, சிகிச்சை பெறுவது அவசியம். இந்த காய்ச்சல் தீவிர பாதிப்பை ஏற்படுத்தாது. ஆனால், தொற்று பரவல் அதிகரித்து உடல் சோா்வை உண்டாக்கும்.

எனவே, குழந்தைகள் முதல் பெரியவா்கள் வரை அறிகுறிகள் தெரிந்தால் உடனடி சிகிச்சை பெற வேண்டும். மேலும், இத்தொற்று பாதிக்கப்பட்டவா்களுடன் நேரடி தொடா்பு வைத்துக்கொள்ளக்கூடாது என்றாா் அவா்.

வெற்றி நடையில் தமிழகம்: முதல்வர் ஸ்டாலின் பெருமிதம்

மாநில வளர்ச்சி விகிதத்தில் தமிழகம் மிகப்பெரிய வளர்ச்சியடைந்ததைப் பாராட்டி பதிவிட்டுள்ளார், முதல்வர் மு.க. ஸ்டாலின்.மத்திய அரசின் திட்ட அமலாக்கத்துறை வெளியிட்டுள்ள 2024 - 25 ஆம் ஆண்டின் மாநில வளர்ச்சி ... மேலும் பார்க்க

பாபநாசம் ரயில் நிலையத்தில் நிற்காமல் சென்ற ரயில்.. அப்புறம் என்ன?

பாபநாசம் ரயில் நிலையத்தில் நிற்காமல் சென்ற ரயில், மீண்டும் பின்னோக்கி வந்து பயணிகளை ஏற்றிச் சென்ற வீடியோ சமூக வலைதளத்தில் வைரலாகியிருக்கிறது. மேலும் பார்க்க

அம்பத்தூர்: தனியார் ஷோரூமில் தீ விபத்து!

அம்பத்தூர் சிடிஹெச் சாலையில் உள்ள தனியார் ஷோரூமில் தீப்பற்றி எரிகிறது. இந்த தீயை அணைக்கும் முயற்சியில் தீயணைப்பு வீரர்கள் போராடி வருகின்றனர்.அம்பத்தூர் சிடிஹெச் சாலையில் 4 தளங்கள் கொண்ட தனியார் ஷோரூம்... மேலும் பார்க்க

ஒடிசா தம்பதியரின் குழந்தையைக் கடத்திய தமிழகத்தைச் சேர்ந்தவர் கைது!

கேரளம் சென்ற ரயிலில் ஒடிசா தம்பதியரின் குழந்தையைக் கடத்திய தமிழகத்தைச் சேர்ந்தவரைக் காவல்துறையினர் கைது செய்தனர்.ஒடிசாவைச் சேர்ந்த தம்பதியர், பணிநிமித்தம் காரணமாக ஒருவயது குழந்தையுடன் கேரளத்தில் உள்ள ... மேலும் பார்க்க

விராலிமலை: பேருந்து பயணிகள் சுங்கச்சாவடி சாலையில் அமர்ந்து போராட்டம்

மதுரை சென்ற தனியார் பேருந்து பழுதாகியபோதும், மாற்று வாகனம் ஏற்பாடு செய்யாததால் பயணிகள் ஆர்ப்பாட்டம் செய்தனர்.சென்னையில் இருந்து மதுரை சென்ற தனியார் ஆம்னி பேருந்து விராலிமலை - பூதகுடி சுங்கச்சாவடி அருக... மேலும் பார்க்க

பாம்பன் பாலம் திறப்பு: பிரதமரின் நாளைய நிகழ்ச்சி நிரல்!

பாம்பன் ரயில் பாலத்தை திறந்து வைக்க பிரதமர் நரேந்திர மோடி, நாளை தமிழகம் வருகைதர உள்ளார்.பாம்பன் ரயில் பாலத்தின் கட்டுமானப் பணிகள் கடந்த டிசம்பர் மாதமே நிறைவுபெற்றது. பிரதமரின் தேதிக்காக திறப்பு விழா த... மேலும் பார்க்க