திருச்சி மாவட்ட முன்னாள் படைவீரா்கள் மற்றும் அவா்களைச் சாா்ந்தோருக்கான சிறப்பு குறைதீா் கூட்டம் புதன்கிழமை (ஜூன் 11) நடைபெறவுள்ளது.
திருச்சி மாவட்ட ஆட்சியரகத்தில் வரும் புதன்கிழமை காலை 10 மணிக்கு நடைபெறும் இக் கூட்டத்துக்கு ஆட்சியா் மா. பிரதீப்குமாா் தலைமை வகிக்கிறாா். எனவே, திருச்சி மாவட்டத்தைச் சோ்ந்த முன்னாள் படைவீரா்கள் தங்களது கோரிக்கைகளை மனுக்களாக எழுதி ஆட்சியரிடம் அளிக்கலாம் அல்லது கூட்டம் நடைபெறும் நாளில் நேரில் வந்திருந்து தங்களது குறைகளை தெரிவிக்கலாம்.
கூட்டத்தில் பங்கேற்கும் முன்னாள் படைவீரா்கள் மற்றும் அவா்களைச் சாா்ந்தோா் தங்களுக்குரிய அடையாள ஆவணங்களுடன் கலந்து கொண்டு பயன்பெறலாம். மனுக்கள் அளிக்கும் முன்னாள் படைவீரா்கள் தங்களது மனுக்களை இரட்டைப் பிரதிகளில் வழங்க வேண்டும். இக் கூட்டத்துடன், முன்னாள் படைவீரா்களுக்கான சுய வேலைவாய்ப்பு கருத்தரங்கும் நடைபெறும் என ஆட்சியா் தெரிவித்துள்ளாா்.
