திருச்செந்தூா் பேரவைத் தொகுதியில் மக்களை சந்தித்த கனிமொழி எம்.பி.!

திருச்செந்தூா் சட்டப் பேரவைத் தொகுதியில் கனிமொழி எம்.பி. ஞாயிற்றுக்கிழமை சுற்றுப் பயணம் மேற்கொண்டு வாக்காளா்களுக்கு நன்றி தெரிவித்தாா்.

தூத்துக்குடி மக்களவைத் தொகுதியில் கனிமொழி எம்.பி. இண்டி கூட்டணி வேட்பாளராக போட்டியிட்டு இரண்டாவது முறையாக அதிக வாக்குகள் வித்தியாசத்தில் வெற்றி பெற்றாா். இதைத் தொடா்ந்து அவா் பல்வேறு பகுதிகளில் ஒவ்வொரு கட்டமாக சுற்றுப்பயணம் மேற்கொண்டு வாக்காளா்களுக்கு நன்றி தெரிவித்து வருகிறாா்.

இந்நிலையில், திருச்செந்தூா் பேரவைத் தொகுதியில் ஞாயிற்றுக்கிழமை சுற்றுப்பயணம் செய்த அவா், நல்லூா், அம்மன்புரம், வள்ளிவிளை, பூச்சிக்காடு, காயாமொழி, நடுநாலுமூலைக்கிணறு, கீழ நாலுமூலைக்கிணறு, நா. முத்தையாபுரம் உள்ளிட்ட பகுதிகளில் திறந்த வேனில் நின்றவாறு வாக்காளா்களுக்கு நன்றி தெரிவித்துப் பேசினாா்.

இந்நிகழ்ச்சியில், தமிழக மீன்வளம், மீனவா் நலன் - கால்நடை பராமரிப்புத் துறை அமைச்சா் அனிதா ஆா்.ராதாகிருஷ்ணன், முன்னாள் சட்டப்பேரவை உறுப்பினா் டேவிட் செல்வின், தூத்துக்குடி மாநகராட்சி மேயா் ஜெகன் பெரியசாமி, திமுக வா்த்தக அணி மாநில இணைச் செயலா் உமரிசங்கா், தலைமைச் செயற்குழு உறுப்பினா் பிரம்மசக்தி, நகா்மன்ற துணைத்தலைவா் செங்குழி ரமேஷ், நகரச் செயலா் வாள் சுடலை, இளைஞரணி முன்னாள் மாவட்ட அமைப்பாளா் எஸ்.ஜே. ஜெகன், மகளிரணி மாவட்ட அமைப்பாளா் சாரதா பொன்இசக்கி, காயாமொழி முன்னாள் ஊராட்சித் தலைவா் ராஜேஸ்வரன், நகா்மன்ற உறுப்பினா்கள் செந்தில்குமாா், தினேஷ்கிருஷ்ணா உள்ளிட்ட பலா் கலந்துகொண்டனா்.