திருவிழாக்களில் நகை பறிக்கும் கும்பலைச் சோ்ந்த பெண் கைது

கோயில் திருவிழாக்களில் பெண்களிடம் நகை பறிக்கும் கும்பலைச் சோ்ந்த கோவில்பட்டி பெண்ணை பட்டுக்கோட்டை தனிப்படை போலீஸாா் திங்கள்கிழமை கைது செய்தனா்.

பட்டுக்கோட்டை காவல் உட்கோட்டத்தைச் சோ்ந்த பகுதிகளில் கோயில் திருவிழாக்கள், கும்பாபிஷேகங்களில் பங்கேற்கும் பெண்களின் நகைகள் திருடப்படும் சம்பவங்கள் அடிக்கடி நடைபெற்று வருகின்றன. அண்மையில், முடச்சிகாடு கிராமத்தில் நடைபெற்ற கோயில் கும்பாபிஷேக விழாவில், 2 பெண்கள் அணிந்திருந்த தங்கச் சங்கிலிகளை மா்மநபா்கள் திருடி சென்றனா். இதுதொடா்பாக போலீஸாா் வழக்குப் பதிந்து விசாரித்து வந்தனா்.

இந்நிலையில், பட்டுக்கோட்டை உட்கோட்ட குற்றப்பிரிவு உதவி ஆய்வாளா் ராம்குமாா் தலைமையில்   போலீஸாா் அடங்கிய தனி படையினா் தீவிர விசாரணை மேற்கொண்டு, கோவில்பட்டியைச் சோ்ந்த பாண்டி மனைவி வேலம்மாள் (48) என்பவரை கைது செய்து, அவரிடமிருந்து முடச்சிக்காடு கோயில் கும்பாபிஷேகத்தின்போது பெண்களிடம் பறித்துச் சென்ற இரண்டு தங்க சங்கிலிகளை பறிமுதல் செய்தனா்.தொடா்ந்து, அவரை பேராவூரணி நீதிமன்றத்தில் ஆஜா்படுத்தி சிறையில் அடைத்தனா். நகை பறிப்பு கும்பல் தொடா்பாக தொடா்ந்து கண்காணித்து வருவதாக தனிப்படை போலீஸாா் தெரிவித்தனா்.