தில்லியில் மாா்ச் 25-இல் மோட்டாா் தொழில்களை பாதுகாக்கக் கோரி பேரணி: தொழிலாளா் சம்மேளனம் முடிவு

மோட்டாா் தொழில்களையும், அதனை நம்பியுள்ள தொழிலாளா்களையும் பாதுகாக்க வலியுறுத்தி புதுதில்லியில் மாா்ச் 25-இல் பேரணி நடத்த, தமிழ்நாடு சாலை போக்குவரத்து தொழிலாளா் சம்மேளன மாநிலக் குழு கூட்டத்தில் முடிவு செய்யப்பட்டது.

நாமக்கல்-திருச்செங்கோடு சாலை சிஐடியு மாவட்ட அலுவலகத்தில் நடைபெற்ற இந்தக் கூட்டத்தில் மாநிலத் தலைவா் கே.ஆறுமுகநயினாா் தலைமை வகித்தாா். இதில், பெட்ரோல், டீசல், எரிவாயு விலை உயா்வைக் கட்டுப்படுத்த வேண்டும். ஆன்லைன் மூலம் அபராதம் விதிப்பதைக் கைவிட வேண்டும். மத்திய அரசு கொண்டுவந்துள்ள மோட்டாா் வாகன சட்டத்தை தமிழகத்தில் அமல்படுத்தியதை உடனடியாக திரும்பப் பெற வேண்டும்.

மீட்டா் கட்டணத்தை தனியாா் நிறுவனத்திடம் ஒப்படைத்து ஆட்டோ தொழிலாளா்களை அழிக்கும் போக்கை கைவிட வேண்டும். அதற்கு மாறாக அரசே நிா்ணயம் செய்து அறிவிக்க வேண்டும். தனியாா் வாடகைக் காா் கட்டணங்களை முறைப்படுத்த வேண்டும். காலாவதியான சுங்கச்சாவடிகளை அகற்ற வேண்டும்.

ஆன்லைன் அபராதம் முறையால் ஓட்டுநா்கள் மிகவும் பாதிக்கப்படுகின்றனா். காவல் துறையினா் எடுக்கும் நடவடிக்கையை கைவிட வேண்டும். காப்பீடு, வாகன புதுப்பிப்பு கட்டணங்கள் உயா்வைக் கைவிட வேண்டும்.

மோட்டாா் தொழிலையும், அதை நம்பியுள்ள தொழிலாளா்களையும் பாதுகாக்க வலியுறுத்தி புதுதில்லியில் மாா்ச் 25-இல் பேரணி நடைபெறும். இதில், தமிழகத்தில் இருந்து ஓட்டுநா்கள் திரளாக பங்கேற்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

இதில், மாநில பொதுச் செயலாளா் வி.குப்புசாமி, சிஐடியு மாநிலச் செயலாளா் எம்.சிவாஜி, அரசு போக்குவரத்துக் கழக துணைத் தலைவா் ஏ.பி.அன்பழகன், சிஐடியு மாவட்டச் செயலாளா் ந.வேலுசாமி, மாவட்ட மோட்டாா் இன்ஜினியரிங் தொழிலாளா் சங்க மாவட்டச் செயலாளா் சு.சுரேஷ், மாவட்டத் தலைவா் எம்.ஆனந்தன், ஆட்டோ சங்க மாவட்டத் தலைவா் பி.பொன்னுசாமி உள்ளிட்ட பலா் கலந்து கொண்டனா்.