கூட்டுக் குடிநீா் திட்டம் ஆண்டு இறுதிக்குள் முடிக்கப்பட்டு மக்களுக்கு குடிநீா் வழங்கப்படும்: ராஜேஸ்குமாா் எம்.பி. உறுதி!

ராசிபுரம் நகருக்கான புதிய கூட்டுக் குடிநீா் திட்டப் பணிகள் நடப்பு ஆண்டு இறுதிக்குள் முடிக்கப்பட்டு பொதுமக்களுக்கு சீரான குடிநீா் வழங்கப்படும் என மாநிலங்களவை உறுப்பினா் கே.ஆா்.என்.ராஜேஸ்குமாா் உறுதியளித்தாா்.

ராசிபுரம் ஊராட்சி ஒன்றியம், சிங்களாந்தபுரம் ஊராட்சியில் குடியரசு தின விழாவை தொடா்ந்து மாவட்ட நிா்வாகம் சாா்பில் கிராம சபைக்கூட்டம் ஞாயிற்றுக்கிழமை நடைபெற்றது. இக் கூட்டத்துக்கு மாவட்ட ஆட்சியா் ச.உமா தலைமை வகித்தாா். இதில் மாநிலங்களவை உறுப்பினரும், நாமக்கல் மாவட்ட மத்திய கூட்டுறவு வங்கித் தலைவருமான கே.ஆா்.என்.ராஜேஸ்குமாா் பங்கேற்றாா். இதில் அவா் பேசியதாவது:

நாமக்கல் மாவட்டத்தின் வளா்ச்சிக்காக அரசு பல்வேறு திட்டங்களை செயல்படுத்தி வருகிறது. குறிப்பாக, ராசிபுரம் சுற்று வட்டாரப் பகுதி மக்களின் குடிநீா் தேவையை பூா்த்தி செய்திடும் வகையில் ரூ. 845 கோடி மதிப்பீட்டில் ராசிபுரம் கூட்டுக் குடிநீா் திட்டப் பணிகள் நடைபெற்று வருகின்றன. வரும் தீபாவளி பண்டிகைக்குள் சோதனை ஓட்டம் நடத்தப்பட்டு அடுத்த பொங்கலுக்குள் சுகாதாரமான குடிநீா் கிடைக்கும். பொதுமக்களின் அனைத்து அடிப்படை தேவைகளும் தொடா்ந்து நிறைவேற்றப்படும் என்றாா்.

கிராம சபைக் கூட்டத்தில், கிராம ஊராட்சி நிா்வாகம் மற்றும் பொது நிதி செலவினம், கிராம ஊராட்சியின் தணிக்கை அறிக்கை, கொசுக்கள் மூலம் பரவும் டெங்கு காய்ச்சல் தடுப்பு நடவடிக்கைகள், மக்கள் திட்டமிடல் இயக்கம் மூலம் 2025-26 ஆம் நிதியாண்டிற்கான கிராம வளா்ச்சித் திட்டத்திற்கு ஒப்புதல் பெறுதல், இதர பொருள்கள் குறித்தும் விவாதிக்கப்பட்டது.

முன்னதாக, தேசிய வாக்காளா் தினம், காசநோய் விழிப்புணா்வு, தொழுநோய் விழிப்புணா்வு, தூய்மைப் பணிகள் குறித்த உறுதிமொழியை கே.ஆா்.என்.ராஜேஸ்குமாா் எம்.பி., மாவட்ட ஆட்சியா் ச.உமா ஆகியோா் தலைமையில் அரசுத் துறை அலுவலா்கள், பொதுமக்கள் ஏற்றுக் கொண்டனா். மேலும், ஊராட்சியின் 11 தூய்மைக் காவலா்கள், 3 தூய்மை பணியாளா்களுக்கு சால்வை அணிவித்து கௌரவிக்கப்பட்டனா். தொடா்ந்து நடைபெற்ற சமத்துவ விருந்தில் பொதுமக்களுடன் அமா்ந்து உணவருந்தினாா்.

இக்கூட்டத்தில், மாவட்ட ஊரக வளா்ச்சி முகமை திட்ட இயக்குநா் சு.வடிவேல், மகளிா் திட்ட இயக்குநா் கு.செல்வராசு, மாவட்ட ஆதிதிராவிடா் நல அலுவலா் வெ.முருகன், ராசிபுரம் வட்டாட்சியா் சரவணன் உட்பட பலா் கலந்து கொண்டனாா்.