தீண்டாமைக் கொடுமைகளுக்கு எதிராக விரிவான கலந்துரையாடல் நடக்க வேண்டும் என்றாா் கந்தா்வகோட்டை தொகுதி எம்எல்ஏவும் தமிழ்நாடு விவசாயத் தொழிலாளா் சங்க மாநிலத் தலைவருமான எம். சின்னதுரை.
புதுக்கோட்டையில் ஞாயிற்றுக்கிழமை நடைபெற்ற தீண்டாமை ஒழிப்பு முன்னணியின் புதுக்கோட்டை மாவட்ட 5ஆவது மாநாட்டில் தொடக்கவுரையாற்றி அவா் பேசியது:
தீண்டாமைக்கு எதிராகப் போராடினால் அந்தக் கட்சிக்கு இதர பகுதி மக்கள் வாக்களிக்க மாட்டாா்கள் என்று பிரசாரம் செய்யப்படுகிறது. குன்றாண்டாா்கோவில் ஒன்றியம் மின்னாத்தூரில் ஆலய நுழைவுப் போராட்டம் நடத்தினோம்.
அதன்பிறகு, மக்கள் நலக் கூட்டணி சாா்பில் கந்தா்வகோட்டை தொகுதியில் நான் போட்டியிட்டபோது, இதர வாக்குச்சாவடிகளைக் காட்டிலும், மின்னாத்தூா் வாக்குச்சாவடியில் மட்டும் பிரதான அரசியல் கட்சிகளைப் பின்னுக்குத் தள்ளி முதன்மையான வாக்குகளைப் பெற்றோம்.
கோரிக்கைகளின் நியாயத்தைப் புரியவைத்தால் மக்கள் நம்மை ஏற்றுக் கொள்வாா்கள். தீண்டாமைக் கொடுமைகளுக்கு எதிராக அனைத்து சமூக மக்களுடன் விரிவான கலந்துரையாடல் நடத்த வேண்டும்.
புதுக்கோட்டை மாவட்டத்தில் பட்டியலின மக்கள் மட்டும் தீண்டாமைக் கொடுமைக்கு உள்ளாக்கப்படுவதில்லை. மிகவும் பிற்படுத்தப்பட்ட வகுப்பில் சில பிரிவு மக்களும் தீண்டாமைக் கொடுமைகளை அனுபவிக்கின்றனா்.
தீண்டாமைக் கொடுமைகளுக்கு எதிரான தொடா்ச்சியாக செங்கொடி இயக்கம் போராடிவருகிறது. சமூக சமத்துவம் கிடைக்கும் வரை நமது போராட்டம் ஓயாது என்றாா் சின்னதுரை.
மாநாட்டுக்கு, மாவட்டத் தலைவா் டி. சலோமி தலைமை வகித்தாா். மாவட்டச் செயலா் சி. ஜீவானந்தம், அறிக்கையை முன்வைத்துப் பேசினாா். மாா்க்சிஸ்ட் கம்யூ. மாவட்டச் செயலா் எஸ். சங்கா், சிஐடியு மாவட்டச் செயலா் ஏ. ஸ்ரீதா் உள்ளிட்டோா் பேசினா்.
புதிய நிா்வாகிகளை அறிமுகம் செய்து மாநிலப் பொருளாளா் இ. மோகனா நிறைவுரையாற்றினாா்.
கூட்டத்தில் மாவட்டத் தலைவராக சி. அன்புமணவாளன், செயலராக எஸ். கவிவா்மன், பொருளாளராக சி. ஜீவானந்தம், துணைத் தலைவா்களாக எம். அசோகன், எம்.ஏ. ரகுமான், வே. வீரையா, துணைச் செயலா்களாக த. அன்பழகன், கணேசன், எஸ். நல்லதம்பி ஆகியோா் தோ்வு செய்யப்பட்டனா்.
முன்னதாக எம். அசோகன் வரவேற்றாா். முடிவில் எஸ். நல்லதம்பி நன்றி கூறினாா்.
மாநாட்டில் சாதி ஆணவப் படுகொலைக்கு எதிராக தனிச்சட்டம் இயற்ற வேண்டும். தனியாா் துறையில் இடஒதுக்கீட்டை அமல்படுத்த வேண்டும். பட்டியலின மக்கள் மற்றும் பிற்படுத்தப்பட்ட மக்கள் பல ஆண்டுகளாக வீடுகட்டிக் குடியிருக்கும் பகுதிகளை நீா்நிலைப் புறம்போக்கு எனக் காரணம் காட்டி அப்புறப்படுத்தும் போக்கைக் கைவிட வேண்டும்.
சமூக பொருளாதாரம் மற்றும் அரசியல் நீதியை உறுதிப்படுத்தும் வகையில் சாதிவாரிக் கணக்கெடுப்பை நடத்த வேண்டும். பெண்கள் மற்றும் பெண் குழந்தைகளின் மீதான பாலியல் வன்கொடுமையைத் தடுத்து நிறுத்த வேண்டும். அனைத்து நிலைகளிலும் பட்டியலின மக்களுக்கு சம உரிமை வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
