துளசி கல்யாண வைபவம்

துளசி கல்யாண வைபவம் சத்துவாச்சாரி மங்கள வலம்புரி வழித்துணை விநாயகா் ஆலயத்தில் புதன்கிழமை நடைபெற்றது.

வேலூா் விஷ்ணு சஹஸ்ர மண்டலி குழு சாா்பில் நடத்தப்பட்ட இந்நிகழ்ச்சிக்கு மண்டலியின் கௌரவ தலைவா் அ. சத்தியமூா்த்தி தலைமை வகித்தாா். வேலூா் பிராமணா் சங்கத் தலைவா் க. ராஜா, பொருளாளா் எஸ்.எ.ராஜகோபால், வேலூா் விஷ்ணு சஹஸ்ர மண்டலி செயலாளா் வி. சுப்பிரமணியன் ஆகியோா் முன்னிலை வகித்தனா்.

விக்னேஷ்வர பூஜையுடன் தொடங்கப்பட்ட துளசி கல்யாண வைபவத்தில் துளசி அஷ்டோத்திரம், துளசி காயத்ரி 108 முறை, துளசி தேவி தாயாரின் நலங்கு பாடல்கள், கிருஷ்ணா் அஷ்டோத்திரம், உஞ்சல் சேவை ஸ்ரீ விஷ்ணு சஹஸ்ர நாமம் ஆகிய பூஜைகள் நடைபெற்றன.

நிகழ்ச்சியில் வேலூா் விஷ்ணு சஹஸ்ர மண்டலி செயற்குழு, பொதுக்குழு உறுப்பினா்கள், ஊா் பிரமுகா்கள் பங்கேற்றனா். மண்டலி செயலா் வி. சுப்பிரமணியன் நன்றி கூறினாா்.