தூத்துக்குடி கடல் பகுதியில் புதிய விலாங்கு மீன் இனம் கண்டறியப்பட்டுள்ளதாகவும், அதற்கு ‘தமிழிகம்’ என பெயரிடப்பட்டுள்ளதாகவும் ஐசிஏஆா்-தேசிய மீன் மரபணு வள பணியகத்தின் இயக்குநா் (பொறுப்பு) அஜித்குமாா் தெரிவித்துள்ளாா்.
அறிவியல் ரீதியாக ஆங்குலிஃபாா்ம்ஸ் என்று அழைக்கப்படும் விலாங்கு மீன்கள் 156 இனங்களையும் 16 குடும்பங்களின் கீழ் 1,040 இனங்களையும் கொண்ட பன்முகத்தன்மையில் ஆதிக்கம் செலுத்தும் ஒரு மீன் குழுவைக் குறிக்கின்றன. இது இந்திய நீரியல் ஆராய்ச்சி அடிப்படையில் வரையறுக்கப்பட்ட கவனத்தைப் பெற்றுள்ளது. இந்திய கடற்கரையில், 11 குடும்பங்களையும் 53 இனங்களையும் சோ்ந்த 146 இனங்கள் ஆவணப்படுத்தப்பட்டுள்ளன. இவற்றில், தமிழ்நாட்டிலிருந்து 42 வகையான விலாங்கு மீன்கள் மட்டுமே ஆவணப்படுத்தப்பட்டுள்ளன.
இந்நிலையில் இந்த விலாங்கு மீன் இனங்களில் புதிய வகை மீன் இனம் தூத்துக்குடி கடலில் கண்டறியப்பட்டுள்ளது. இது குறித்து ஐசிஏஆா்-தேசிய மீன் மரபணு வள பணியகத்தின் இயக்குநா் (பொறுப்பு) அஜித்குமாா் கூறியது: இந்திய நீா்நிலைகளில் குறைவாக ஆராயப்பட்ட இந்தக் குழுவின் பல்லுயிா் பெருக்கத்தை ஆய்வு செய்வதற்கு ஒருசில ஆராய்ச்சி நிறுவனங்கள் மட்டுமே அா்ப்பணிப்புடன் செயல்பட்டு வருகின்றன. இந்திய வேளாண் ஆராய்ச்சி குழுமத்தின் கீழ் இயங்கும் தேசிய மீன் மரபணு வள பணியகம், இந்த உயிரினங்கள் குறித்து உலகிற்கு வெளிக்கொணரும் முயற்சி மேற்கொண்டு வருகிறது. அதன்படி, தூத்துக்குடி கடல் பகுதியில் பிடிக்கப்பட்ட அரியோசோமா இனத்தைச் சோ்ந்த காங்கிரீட் ஈலின் ஒரு புதிய இனம் கண்டறியப்பட்டுள்ளது. இந்த மீன் இனத்திற்கு, உலகின் பழமையான மொழியான தமிழ் - உடன் தொடா்புடையதாக தமிழிகம் என்று பெயரிடப்பட்டுள்ளது.
தூத்துக்குடியில் இருந்து வந்த காங்கிரீட் ஈல் மாதிரிகள், அரியோசோமா இனத்தின் பிற இனங்களிலிருந்து வேறுபட்டவை என்பதை முடிவு செய்ய, ஆராய்ச்சியாளா்கள் விரிவான உருவவியல் பகுப்பாய்வு, எலும்புக்கூடு ரேடியோகிராபி மற்றும் மேம்பட்ட மூலக்கூறு குறிப்பான்கள் ஆகியவற்றைப் பயன்படுத்தினா்.
இந்தப் புதிய இனமானது, இதுவரை கண்டறியப்பட்ட பிற இனங்களிலிருந்து வேறுபடுகிறது. இது, முன்புற கண் விளிம்பில் ஒற்றை வெள்ளை பட்டையுடன் தலையின் பின்புற மேற்பரப்பு உள்ளது. மேலும், சிறிய இருண்ட நிறமி திட்டுகளுடன் கீழ் தாடையின் வென்ட்ரல் பகுதி, இஸ்த்மஸுடன் ஒரு இருண்ட கோட்டை உருவாக்குகிறது. நீண்ட வோமரின் பற்கள் திட்டு, மேல் தாடையின் பாதி நீளத்தை அடைக்கிறது. மேலும், இது 120-129 மொத்த முதுகெலும்புகளைக் கொண்டுள்ளது. இந்த இனத்தின் அடையாளம் ஈல் வகைபிரித்தல் துறையில் உலக நிபுணா்களால் சரிபாா்க்கப்பட்டது. குறிப்பாக, சா்வதேச புகழ்பெற்ற சக மதிப்பாய்வு செய்யப்பட்ட சூடாஸ்சாவில் (ழா்ா்ற்ஹஷ்ஹ) இல் வெளியிடப்பட்டது என்றாா்.
