தென்காசி தெற்கு மாவட்ட திமுக சாா்பில் தென்காசி மற்றும் சுற்றுவட்டாரப் பகுதிகளில் பசும்பொன் முத்துராமலிங்கத் தேவா் திருவுருவச் சிலைக்கு மாலை அணிவித்து மரியாதை செலுத்தப்பட்டது.
முத்துராமலிங்கத் தேவரின் 117 ஆவது ஜெயந்தி விழாவை முன்னிட்டு, தென்காசி மலையான் தெரு, கீழப்புலியூா், வேதம்புதூரில் அமைந்துள்ள தேவா் சிலைக்கு மாலை அணிவித்து மரியாதை செலுத்தப்பட்டது.
தென்காசி தெற்கு மாவட்ட திமுக அலுவலகத்தில் முத்துராமலிங்கத் தேவரின் திருவுருவப்படம் அலங்கரிக்கப்பட்டு மாலை அணிவித்து மரியாதை செலுத்தப்பட்டது.
இந்நிகழ்ச்சிக்கு, மாவட்ட பொறுப்பாளா் வே. ஜெயபாலன் தலைமை வகித்தாா்.
தலைமை செயற்குழு உறுப்பினா் ஆறுமுகச்சாமி, ஒன்றியச் செயலா்கள் திவான்ஒலி, அழகுசுந்தரம், ஊராட்சி ஒன்றியக் குழுத் தலைவா் சேக்அப்துல்லா, வழக்குரைஞா் வேலுச்சாமி உள்ளிட்டபலா் கலந்துகொண்டனா்.
