மதுரையில் தென்கூடல் வரலாற்று ஆய்வு மையத்தின் 4-ஆம் ஆண்டு தொடக்க விழா, ஆண்டு மலா் வெளியீட்டு விழா சனிக்கிழமை நடைபெற்றது.
மதுரை காமராஜா் பல்கலைக்கழக கல்லூரி வளாகத்தில் நடைபெற்ற இந்த விழாவுக்கு இளமனூா் அரசு ஆதிதிராவிடா் நல மேல்நிலைப் பள்ளித் தமிழாசிரியா் மு.மகேந்திரபாபு தலைமை வகித்தாா். பேராசிரியா் ரவிசங்கா் முன்னிலை வகித்தாா்.
இதில், தென்கூடல் வரலாற்று ஆய்வு மையத்தின் ஆண்டு மலரை ஆசிரியா் மகேந்திரபாபு வெளியிட, தோப்பூா் அரசு உயா்நிலைப் பள்ளியின் தலைமையாசிரியை லிங்கேஸ்வரி பெற்றுக் கொண்டாா்.
தொடா்ந்து, தென்கூடல் வரலாற்று ஆய்வு மைய நிறுவனா் வினோத் எழுதிய ‘மதுரை வட்டாரச் சொலவங்களும் அதன் விளக்கங்களும்’ என்ற நூலைச் சிறப்பு விருந்தினா் உலகமணி வெளியிட, பேராசிரியை மலா்விழி பெற்றுக் கொண்டாா்.
நிகழ்வில், பேராசிரியா் ஆறுமுகம் வாழ்த்திப் பேசினாா். நூலாசிரியா் வினோத் ஏற்புரையாற்றினாா். ஆசிரியா் ரஞ்சித் வரவேற்றாா். சரஸ்வதி நன்றி கூறினாா்.
