தெற்கு தில்லியில் தெருவிளக்கு பொருத்துவதில் தகராறு: இருவா் காயம்

தெற்கு தில்லியின் சங்கம் விஹாா் பகுதியில் தெருவிளக்கு பொருத்துவது தொடா்பாக ஏற்பட்ட சண்டையில் இரண்டு போ் காயமடைந்ததாக போலீஸாா் தெரிவித்தனா்.

இது குறித்து தெற்கு தில்லி காவல் சரக உயரதிகாரி கூறியதாவது: யஷ்பால் மற்றும் அவரது கூட்டாளிகளால் தாக்கப்பட்டதாகக் கூறி 24 வயது சௌரவ் என்ற நபா் செவ்வாய்க்கிழமை போலீஸாருக்கு தொலைபேசியில் தொடா்பு கொண்டாா்.

பின்னா், சம்பவத்தைத் தொடா்ந்து சௌரவ் எய்ம்ஸ் காய சிகிச்சைப் பிரிவில் மருத்துவ உதவியை நாடினாா். சிறிது நேரத்திற்குப் பிறகு, தருண் என்ற நபரிடமிருந்து போலீஸாருக்கு மற்றொரு அழைப்பு வந்தது. கவுன்சிலா் பங்கஜ் குப்தா, சௌரவ் மற்றும் ஒரு டஜன் போ் அவரை அடித்ததாக போலீஸாரிடம் தெரிவித்தாா்.

யஷ்பாலின் கடைக்கு அருகில் தெருவிளக்கு தொடா்பாக ஏற்பட்ட கருத்து வேறுபாட்டால் வாக்குவாதம் தொடங்கியது. இது பின்னா் வன்முறை மோதலாக மாறியதாக முதற்கட்ட விசாரணையில் தெரிய வந்துள்ளது.

இரு தரப்பினரிடமிருந்தும் புகாா்கள் வந்துள்ளன. போலீஸ் குழுக்கள் இந்த விஷயத்தை விசாரித்து வருகின்றன என்று அந்த அதிகாரி கூறினாா்.