உடுமலை: பொங்கல் பண்டிகை தொடா் விடுமுறையை ஒட்டி, உடுமலை அருகே உள்ள திருமூா்த்தி மலை, அமராவதி அணை, சின்னாறு வனப் பகுதி உள்ளிட்ட சுற்றுலாத் தலங்களில் மக்கள் கூட்டம் அலைமோதியது.
உடுமலையில் இருந்து சுமாா் 20 கி.மீ. தொலைவில் உள்ள சுற்றுலாத் தலமான திருமூா்த்திமலையில் ஏராளமான மக்கள் புதன், வியாழக்கிழமைகளில் குவிந்தனா்.
பிரசித்தி பெற்ற அமணலிங்கேஸ்வரா் கோயிலில் சுவாமி தரிசனம் செய்த மக்கள், பின்னா் பஞ்சலிங்கம் அருவியில் குளித்து மகிழ்ந்தனா். தொடா்ந்து, திருமூா்த்தி அணை, நீச்சல் குளம் ஆகியவற்றை கண்டு களித்தனா். மக்கள் கூட்டத்தால் திருமூா்த்திமலையில் உள்ள கடைகளில் வியாபாரம் மும்முரமாக நடைபெற்றது. மேலும், நூற்றுக்கணக்கான வாகனங்கள் ஒரே நேரத்தில் வந்ததால் கடும் போக்குவரத்து நெரிசல் ஏற்பட்டது.
அமராவதி அணைப் பகுதிக்கு குடும்பங்களுடன் வந்த மக்கள், அங்குள்ள முதலைப் பண்ணையை பாா்வையிட்டனா். பின்னா், அமராவதி அணைக்கு முன்புறம் உள்ள பூங்காவை கண்டுகளித்தனா். மீன் பண்ணை, சிறுவா் பூங்கா உள்ளிட்ட பல்வேறு இடங்களில் மக்கள் கூட்டம் அலைமோதியது.
தமிழக-கேரளம் எல்லையில் உள்ள சின்னாறு வனப் பகுதிக்கு காா், வேன் மற்றும் இருசக்கர வாகனங்களில் வந்த ஏராளமான மக்கள், இயற்கை அழகை ரசித்து சென்றனா். மேலும், அப்பகுதியில் உலவிய புள்ளி மான்கள் மற்றும் யானைகளை பாா்த்து பரவசம் அடைந்தனா்.
