தோல்வி பயத்தால் கேஜரிவால் கற்பனைத் திட்டங்களை அறிவித்து வருகிறாா்: வீரேந்திர சச்தேவா விமா்சனம்

வரவிருக்கும் தில்லி சட்டப்பேரவைத் தோ்தல் தோல்வி பயத்தில், கற்பனையில் மட்டுமே இருக்கும் திடங்களை கேஜரிவால் தோ்தல் வாக்குறுதியாக அளித்து வருகிறாா் என்று தில்லி பிரிவு பாஜக தலைவா் வீரேந்திர சச்தேவா புதன்கிழமை விமா்சித்துள்ளாா்.

இது தொடா்பாக தில்லி பாஜக அலுவலகத்தில் அவா் செய்தியாளா்களிடம் கூறியதாவது: கலால் கொள்கை வழக்கில் ஜாமீன் பெற்று சிறையில் இருந்து திரும்பிய அரவிந்த் கேஜரிவால், தில்லி முதல்வா் பதவியை ராஜிநாமா செய்ய வேண்டிய கட்டாயத்திற்கு ஆளானாா். இதையடுத்து, சட்டப்பேரவைத் தோ்தலிலும் தோல்வியைக் காணும் பயத்தில் அவா்

முற்றிலும் கற்பனையான திட்டங்களை அறிவிக்கத் தொடங்கியுள்ளாா். அவரது அறிவிப்புகளில் எந்தவொரு அடிப்படைச் செயலாக்கமும் இல்லை. 12 ஆண்டுகால ஆட்சிக்குப் பிறகு தவறான மின்சாரம் மற்றும் தண்ணீா்க் கட்டணங்களை சரிசெய்வதாகவும், சுத்தமான தண்ணீரை வழங்குவதாகவும், சேடைந்த சாலைகளைச் சீரமைப்பதாகவும் வாக்குறுதி அளித்து வருகிறாா்.

இந்த பொய்யான வாக்குறுதிகள் தோல்வியடையத் தொடங்கியபோது, அரவிந்த் கேஜரிவால் முன்பு அறிவித்த மகிளா சம்மான் திட்டத்தை மீண்டும் வாக்குறுதியாக அளிக்க முயன்றாா். ஆனால், அதுவும் எடுபடவில்லை. அதே திட்டத்தில் பஞ்சாபில் பெண்களை ஏமாற்றிய கேஜரிவால், தில்லியில் பெண்களுக்கு மாதம் ₹ரூ.2,100 வழங்கப்படும் என்ற கனவை விற்க முயன்றாா்.

தில்லியில் ஆயுஷ்மான் பாரத் திட்டத்தை அமல்படுத்தக் கோரி பாஜக எம்பி-க்கள் தில்லி உயா்நீதிமன்றத்தில் போராடிக் கொண்டிருந்தபோது, கேஜரிவால் பிடிவாதமாக அதை எதிா்த்தாா். மாறாக, தோ்தலுக்குப் பிறகு மூத்த குடிமக்களுக்கான ‘சஞ்சீவனி திட்டத்தை‘ செயல்படுத்துவதாக வாக்குறுதி அளித்து மற்றொரு கனவை விற்றுவிட்டாா். தற்போது, ஆம் ஆத்மி கட்சி டிஜிட்டல் மோசடி செய்பவா்களின் செயல்களைப் பிரதிபலிக்கும் வகையில் மக்களிடமிருந்து தனிப்பட்ட தரவுகளை தவறாகப் பயன்படுத்துவதற்காகச் சேகரிக்கிறது. முறையான அறிவிப்புகள் எதுவும் இல்லாமல் அறிமுகப்படுத்தப்பட்ட இரண்டு திட்டங்களும் மக்களை, குறிப்பாக பெண்கள் மற்றும் மூத்த குடிமக்களை தவறாக வழிநடத்துகின்றன.

போலி மகிளா சம்மான் திட்டத்தைத் தொடங்குவதற்குப் பதிலாக, ஆயுஷ்மான் பாரத் திட்டத்தை செயல்படுத்தியிருக்க வேண்டும். வரலாற்றில் முதன்முறையாக, 12 ஆண்டுகள் ஆட்சியில் இருந்த முதல்வரும், ஆளுங்கட்சியினரும் பொய்யான திட்டங்களைப் பரப்பி, இறுதியில், பொதுமக்கள் தவறாக வழிநடத்தப்படுவதை தடுக்க, அதிகாரிகள் தங்கள் கடமையை நிறைவேற்றி, பொதுமக்களை எச்சரிக்கை செய்ய வேண்டும்.

தில்லி அரசிடம் சட்டப்பூா்வமாக அங்கீகரிக்கப்பட்ட “மகிளா சம்மன்” அல்லது “சஞ்சீவனி” திட்டங்கள் உள்ளதா? என்பதை முதல்வா் அதிஷி தெளிவுபடுத்த வேண்டும். போலி மகிளா சம்மான் மற்றும் சஞ்சீவனி திட்டங்களுக்காக தில்லி மக்களிடம் அரவிந்த் கேஜரிவால் மன்னிப்புக் கேட்க வேண்டும் என்றாா் வீரேந்திர சச்தேவா. மேலும், இச்செய்தியாளா் சந்திப்பில் சட்டப்பேரவை எதிா்க்கட்சித் தலைவா் விஜேந்தா் குப்தா, எம்எல்ஏ அபய் வா்மா ஊடகத் துறைத் தலைவா் பிரவீன் ஷங்கா் கபூா் ஆகியோா் உடனிருந்தனா்.