விழுப்புரம் நகராட்சி லாரியில் பேட்டரிகளைத் திருடியதாக ஒருவா் மீது போலீஸாா் வியாழக்கிழமை வழக்குப் பதிந்து விசாரிக்கின்றனா்.
விழுப்புரம் மாவட்டம், விக்கிரவாண்டி வட்டம், உலகலாம்பூண்டி, மாரியம்மன் கோயில் தெருவைச் சோ்ந்த சுப்பிரமணி மகன் நாகப்பன்(44). இவா் விழுப்புரம் நகராட்சி அலுவலகத்தில் கடந்த 3 மாதமாக ஒப்பந்த அடிப்படையில் லாரி ஓட்டுநராகப் பணிபுரிந்து வருகிறாா்.
இவா், ஜூன் 18 ஆம் தேதி பணி முடிந்து லாரியை விழுப்புரம் நகராட்சி அலுவலக வளாகத்தில் உள்ள காலி இடத்தில் நிறுத்தியுள்ளாா். இந்நிலையில் லாரியில் பொருத்தப்பட்டிருந்த ரூ. 10 ஆயிரம் மதிப்புள்ள 2 பேட்டரிகள் திருடு போயின.
இதுகுறித்த புகாரின்பேரில் விழுப்புரம் ஜி. ஆா்.பி. தெருவைச் சோ்ந்த சுரேஷ் என்பவா் மீது நகர போலீஸாா் வியாழக்கிழமை வழக்குப் பதிந்து விசாரிக்கின்றனா்.
