நகைக் கடை உரிமையாளரிடம் ரூ.1.50 கோடி மோசடி: தம்பதி உள்ளிட்ட 3 போ் மீது வழக்குப் பதிவு

கோவையில் நகைக் கடை உரிமையாளரிடம் ரூ.1.5 கோடி மதிப்பிலான நகை மோசடி செய்யப்பட்டுள்ளது தொடா்பாக தம்பதி உள்ளிட்ட 3 போ் மீது போலீஸாா் வழக்குப் பதிவு செய்து விசாரணை நடத்தி வருகின்றனா்.

கோவை, பெரிய கடை வீதி பகுதியில் பவிழம் தெருவில் அடுக்குமாடி வளாகம் உள்ளது. இங்கு 3-ஆவது தளத்தில் நகை க்கடை வைத்திருப்பவா் தனபால் (49). இவருக்கு அதே பகுதியைச் சோ்ந்த ராஜகுமாரன் என்பவா் அறிமுகமாகியுள்ளாா். பின்னா் இருவரும் சோ்ந்து நகை வியாபாரத்தில் ஈடுபட்டு வந்துள்ளனா்.

இந்நிலையில் வியாபாரத்துக்காக தங்க நகை தரும்படியும், அதற்குரிய பணத்தை 2 நாள்களில் கொடுத்து விடுவதாகவும் தனபாலிடம், ராஜகுமாரன் கடந்த நவம்பா் 15-ஆம் தேதி கூறியுள்ளாா். இதை நம்பிய தனபால் அவரிடம் மூன்றரை கிலோ எடையிலான தங்க நகைகளைக் கொடுத்துள்ளாா். இதன் மதிப்பு சுமாா் 1.50 கோடி ஆகும்.

ஆனால், ஒரு மாதம் ஆகியும் அவா் அந்த நகைக்கு உரிய பணத்தைக் கொடுக்கவில்லை எனக் கூறப்படுகிறது. இது குறித்து ராஜகுமாரனிடம் தனபால் கேட்டபோது பணத்தை தர மறுத்ததோடு, அவரது மனைவி மகேஸ்வரி மற்றும் மகேஸ்வரியின் சகோதரா் ராமதாஸ் ஆகியோா் தனபாலை மிரட்டியதாக கூறப்படுகிறது.

இதுகுறித்து பெரிய கடைவீதி காவல் நிலையத்தில் தனபால் சனிக்கிழமை புகாா் கொடுத்தாா். அந்தப் புகாரின்பேரில் போலீஸாா் ராஜகுமாரன், அவரது மனைவி உள்ளிட்ட 3 போ் மீதும் வழக்குப் பதிவு செய்து விசாரணை நடத்தி வருகின்றனா்.