நாட்டுத் துப்பாக்கி வெடித்ததில் இளைஞா் காயம்

விழுப்புரம் மாவட்டம், மயிலம் அருகே முயல் வேட்டையின்போது நாட்டுத்துப்பாக்கி வெடித்ததில் இளைஞா் காயமடைந்தாா்.

திண்டிவனம் வட்டம், மயிலம் ஜெ.ஜெ. நகரைச் சோ்ந்த சங்கா் மகன் அஜித் (25), நரிக்குறவா் சமுதாயத்தைச் சோ்ந்தவா். இவா், செவ்வாய்க்கிழமை அதிகாலை மயிலத்தை அடுத்துள்ள தென்பசியாா் கிராமத்தில் உள்ள விவசாய நிலத்தில் முயல் வேட்டையில் ஈடுபட்டிருந்தாா்.

அப்போது, வேட்டைக்காக பயன்படுத்திய துப்பாக்கி தவறுதலாக வெடித்ததில் அஜித்தின் கை விரல் துண்டானது. இதையடுத்து, அவா் விழுப்புரம் அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

தகவலறிந்த மயிலம் போலீஸாா் நிகழ்விடம் சென்று விசாரணை நடத்தினாா். இதில், அஜித் உரிமமில்லாத நாட்டுத் துப்பாக்கியை வேட்டைக்கு பயன்படுத்தியது தெரியவந்தது.

இதுகுறித்து தென்பசியாா் கிராம நிா்வாக அலுவலா் வீரராகவன் அளித்த புகாரின்பேரில், மயிலம் போலீஸாா் ஆயுத தடுப்புச் சட்டம் உள்ளிட்ட பிரிவுகளின் கீழ் செவ்வாய்க்கிழமை வழக்குப் பதிந்து, அஜித் வசமிருந்த ஒற்றைக்குழல் நாட்டுத் துப்பாக்கியை பறிமுதல் செய்து விசாரணை நடத்தி வருகின்றனா்.