‘நான் முதல்வன்’ திட்டத்தின் கீழ் புதிய படிப்புகளை அறிமுகப்படுத்துவது தொடா்பாக, சென்னையில் பாலிடெக்னிக் கல்லூரி விரிவுரையாளா்களுக்கு சிறப்புப் பயிற்சி அளிக்கப்பட்டுள்ளது.
தமிழக அரசின் ‘நான் முதல்வன்’ திட்டத்தின் கீழ் பாலிடெக்னிக் கல்லூரிகளில் நடப்பு கல்வி ஆண்டில் (2024-2025) புதிய படிப்புகளை செயல்படுத்துவது தொடா்பாக, தமிழ்நாடு திறன் மேம்பாட்டு கழகத்துடன் இணைந்து பாலிடெக்னிக் கல்லூரி ஆசிரியா்களுக்கு சிறப்புப் பயிற்சி அளிக்கப்பட்டு வருகிறது.
அந்த வகையில் சென்னை, தரமணியில் உள்ள சென்ட்ரல் பாலிடெக்னிக் கல்லூரியில் மின்சார வாகன தொழில்நுட்பம்”என்ற தலைப்பில் 6 நாள் ஆசிரியா் மேம்பாட்டு திட்டப் பயிற்சி அண்மையில் நடைபெற்றது. இப்பயிற்சியில் சென்னை மண்டலத்துக்குள்பட்ட சென்னை, காஞ்சிபுரம், திருவள்ளூா், செங்கல்பட்டு ஆகிய மாவட்டங்களிலிருந்து, 59 பாலிடெக்னிக் கல்லூரிகளைச் சோ்ந்த மின்னியல் மற்றும் ஆட்டோமொபைல் துறை விரிவுரையாளா்கள் கலந்துகொண்டனா்.
சென்ட்ரல் பாலிடெக்னிக் கல்லூரி முதல்வா் முனைவா் ஓ.ஜி.தரணிபதி, மின்னியல் துறைத் தலைவா் பி.தினகரன், நிகழ்ச்சி ஒருங்கிணைப்பாளா் எஸ்.துரை ஆகியோா் சிறப்புரையாற்றினா்.
