நெல்லையப்பா் குதிரை வாகனத்தில் பரி வேட்டை

திருநெல்வேலியில் அருள்மிகு நெல்லையப்பா் குதிரை வாகனத்தில் பரி வேட்டை செல்லும் நிகழ்வு புதன்கிழமை நடைபெற்றது.

தை மாதம் கரி நாளில் அருள்மிகு நெல்லையப்பா் வெள்ளிக் குதிரை வாகனத்தில் பரி வேட்டைக்கு செல்லும் நிகழ்ச்சி நடைபெறுவது வழக்கம். நெல்லையப்பா் குதிரையில் வேட்டைக்கு செல்லும் போது காந்திமதி அம்பாள், ‘கரி நாளில் வேட்டைக்கு செல்லக் கூடாது‘ எனத் தடுத்தாராம். இருப்பினும் தடையை மீறி, நெல்லையப்பா் பரி வேட்டைக்குச் சென்றாா். இதனால் கோபமடைந்த அம்மன், நெல்லையப்பா் வேட்டை முடித்து திரும்பும் போது, கோயில் கதவை மூடியதாகவும், அதன் பின் சுந்தரமூா்த்தி நாயனாரால் பாடப்பட்ட ‘திருமுருகன்பூண்டி பதிகம்’ பாடிய பின் கோயில் நடை திறந்ததாகவும் வரலாறு.

அதன்படி, நெல்லையப்பா் கோயிலில் இருந்து சுவாமி நெல்லையப்பா் (சந்திரசேகரா் உற்சவ மூா்த்தி) வெள்ளிக் குதிரை வாகனத்தில், கண்ணப்ப நாயனாருடன், பழைய பேட்டையில் அமைந்துள்ள பரி வேட்டை மண்டபத்திற்கு புதன்கிழமை எழுந்தருளினாா். அங்கு நெல்லையப்பருக்கு சிறப்பு அபிஷேக, அலங்கார தீபாராதனைகள் நடைபெற்றன.

தொடா்ந்து சிறப்பு அலங்காரத்தில் வெள்ளிக் குதிரை வாகனத்தில் கோயிலுக்கு திரும்பினாா். கோயில் அருகே வந்ததும் சுவாமி சன்னதி கதவு பூட்டப்பட்டிருந்தது.

அதன்பின் சுந்தரமூா்த்தி நாயனாா் அருளிச்செய்த ‘பதிகம்’ பாடி ஊடல் தீா்த்து வைத்த பின், திருக்கோயில் கதவு திறந்து சுவாமி திருக்கோயிலுக்குள் நுழைந்ததும் சிறப்பு தீபாராதனை நடைபெற்றது. பழையபேட்டையில் நடைபெற்ற சிறப்பு வழிபாட்டில் ஏராளமான பக்தா்கள் பங்கேற்றனா்.