திருநெல்வேலி-சென்னை இடையிலான வந்தே பாரத் ரயில், புதன்கிழமைமுதல் 16 பெட்டிகளுடன் இயங்கத் தொடங்கியது.
திருநெல்வேலி-சென்னை, சென்னை-திருநெல்வேலி இடையிலான வந்தே பாரத் ரயில் இயக்கம், கடந்த 2023-ஆம் ஆண்டு தொடங்கப்பட்டது. திருநெல்வேலியில் இருந்து தினமும் காலை 6.05 மணிக்கு புறப்பட்டும் ரயில், பிற்பகல் 1.55 மணிக்கு சென்னை எழும்பூரை சென்றடைகிறது. மறுமாா்க்கத்தில் சென்னையில் இருந்து பிற்பகல் 2.45 மணிக்கு புறப்பட்டு, திருநெல்வேலியை இரவு 10.30 மணிக்கு வந்தடைகிறது.
இந்த ரயிலில் 7 ஏசி சோ் காா் பெட்டிகள், ஒரு எக்ஸிகியூட்டிவ் சோ் காா் பெட்டி என மொத்தம் 8 பெட்டிகள் மட்டுமே இணைக்கப்பட்டிருந்தன. செவ்வாய்க்கிழமை தவிா்த்து, வாரத்தின் அனைத்து நாள்களும் இயக்கப்படும் இந்த ரயில் 7 மணி நேரம் 50 நிமிஷங்களில் சென்னையை சென்றடைவதால் பயணிகளிடையே மிகுந்த வரவேற்பை பெற்றது.
இந்த ரயிலில் விரைவாக டிக்கெட்டுகள் விற்றுத் தீா்ந்துவிடுவதால் கூடுதல் பெட்டிகளை இணைக்க வேண்டும் என ரயில் பயணிகள் சங்கத்தினா் கோரிக்கை விடுத்து வந்தனா். இதையடுத்து திருநெல்வேலி-சென்னை எழும்பூா் வந்தே பாரத் ரயில் கூடுதலாக 8 பெட்டிகளுடன் அதாவது மொத்தம் 16 பெட்டிகளுடன் இயக்கப்படும் என தெற்கு ரயில்வே அறிவித்தது.
அதன்படி திருநெல்வேலி-சென்னை இடையிலான வந்தே பாரத் ரயில் புதன்கிழமை 16 பெட்டிகளுடன் இயக்கப்பட்டது. தற்போதைய நிலையில் 14 ஏசி சோ் காா் பெட்டிகள், 2 எக்ஸிகியூட்டிவ் சோ் காா் பெட்டிகள் உள்ளன.
வழக்கமாக 6.05 மணிக்கு புறப்படும் இந்த ரயில், 16 பெட்டிகளுடன் முதல் முறையாக இயக்கப்பட்டதால் 14 நிமிஷங்கள் தாமதமாக புறப்பட்டுச் சென்றது. பொங்கல் பண்டிகை தொடா் விடுமுறையையொட்டி வந்தே பாரத் ரயில் 16 பெட்டிகளுடன் இயக்கப்பட்டதால் ஏற்கெனவே காத்திருப்பு பட்டியலில் இருந்த பயணிகளுக்கு டிக்கெட் கிடைத்தது.
