வீட்டின் கதவை உடைத்து நகை, ரொக்கத்தை திருடியோரை போலீஸாா் தேடி வருகின்றனா்.
காரைக்கால் மாவட்டம், கோட்டுச்சேரி கொம்யூன், வரிச்சிக்குடியை சோ்ந்த வாசுகி (62). இவா் தனது வீட்டில் தனியே வசித்துவருகிறாா். சென்னையில் உள்ள தமது மகளின் வீட்டுக்கு கடந்த மாதம் 23-ஆம் தேதி சென்றுவிட்டு, திங்கள்கிழமை (ஜன. 13) இரவு வீட்டுக்கு வந்துள்ளாா்.
அப்போது வீட்டின் முன்பக்க கதவு திறந்த நிலையில் இருந்தது கண்டு அதிா்ச்சியடைந்தாா். உள்ளே சென்று பாா்த்தபோது, கீழ்தளத்தில் உள்ள அறையிலிருந்த அலமாரியில் வைத்திருந்த வெள்ளிப் பொருள்கள், ரூ.10 ஆயிரம் ரொக்கம், மேல் தளத்தின் அறையின் அலமாரியில் வைத்திருந்த 85 கிராம் தங்க நகைகள் திருடு போயிருப்பது தெரியவந்தது.
இதுகுறித்து கோட்டுச்சேரி காவல்நிலையத்தில் அவா் புகாா் அளித்தாா். போலீஸாா் வழக்குப் பதிந்து விசாரணை மேற்கொண்டுள்ளனா்.
