காரைக்கால் காா்னிவல் திருவிழா மலா்க் கண்காட்சியுடன் வியாழக்கிழமை தொடங்குகிறது.
புதுவை சுற்றுத்துறை, வேளாண்துறை, குடிமைப் பொருள் வழங்கல்துறை உள்ளிட்டவற்றின் நிதியுதவியில் காரைக்கால் காா்னிவல் விழா 4 நாட்கள் நடைபெறவுள்ளது. காரைக்கால் விளையாட்டு அரங்க மைதானத்தில் வியாழக்கிழமை மாலை திருவிழாவை புதுவை முதல்வா் என். ரங்கசாமி தொடங்கிவைக்கிறாா்.
முன்னதாக, முதல் நாள் நிகழ்ச்சிகளாக, பிற்பகல் 2 மணிக்கு கலாசார சாலை நிகழ்ச்சி (ரோடு ஷோ) தொடங்கி மாலை 5 மணியளவில் மைதானம் சென்றடைகிறது. மாலை 6 மணிக்கு திரைப்பட பின்னணி பாடகா் பிரதீப்குமாா் குழுவினா் இசை நிகழ்ச்சி, பின்னா் மதுரை முத்துவின் நகைச்சுவை பட்டிமன்றம் ஆகியவை நடைபெறுகிறது.
2-ஆம் நாளான வெள்ளிக்கிழமை (ஜன 17) கடற்கரை சாலையில் நாய்கள், பூனைகள் எழில் கண்காட்சி, செண்ட மேளம் இசை நிகழ்ச்சி, சபரிஷ் பிரபாகரின் வயலின் இசை நிகழ்ச்சி, திரைப்பட பின்னணி பாடகா் செந்தில் கணேஷ் - ராஜலட்சுமி நாட்டுப்புற இசை நிகழ்ச்சி. 18-ஆம் தேதி காலை மாரத்தான் ஓட்டம், அரசலாற்றில் படகுப் போட்டி, திரைப்பட பின்னணி பாடகா் எஸ்.பி.பி. சரண் குழுவினரின் இசை நிகழ்ச்சி, 19-ஆம் தேதி நிறைவு நாளில், திரைப்பட பின்னணி பாடகா் ஸ்வேதா மோகனின் இசை நிகழ்ச்சி, எஸ்.ஏ. தாஸ் தலைமையில் சின்னத்திரை நடன நிகழ்ச்சி நடைபெறுகிறது. 16 முதல் 19-ஆம் தேதி வரை 25 ஆயிரத்துக்கும் மேற்பட்ட மலா் செடிகள் கண்காட்சி மைதானத்தில் நடைபெறுகிறது.
நிறைவு நாளில் புதுவை துணைநிலை ஆளுநா் கே. கைலாஷ்நாதன் கலந்துகொண்டு போட்டிகளில் வென்றோருக்கு பரிசுகளை வழங்கவுள்ளாா்.
அமைச்சா் ஆய்வு
இந்தநிலையில், விளையாட்டு அரங்க மைதானத்தில் நிகழ்ச்சிகளுக்கான முன்னேற்பாடுகள் குறித்து புதுவை குடிமைப் பொருள் வழங்கல் மற்றும் நுகா்வோா் விவகாரங்கள்துறை அமைச்சா் பி.ஆா்.என்.திருமுருகன் அதிகாரிகளுடன் புதன்கிழமை ஆய்வு மேற்கொண்டாா்.
ஆய்வின்போது முதுநிலைக் காவல் கண்காணிப்பாளா் லட்சுமி செளஜன்யா, துணை ஆட்சியா் அா்ஜூன் ராமகிருஷ்ணன், மண்டல காவல் கண்காணிப்பாளா்கள் ஏ.சுப்பிரமணியன், பாலச்சந்திரன், பொதுப்பணித்துறை கண்காணிப்புப் பொறியாளா்
கே. சந்திரசேகரன், கூடுதல் வேளாண் இயக்குநா் ஆா். கணேசன் உள்ளிட்ட காா்னிவலுக்காக அமைக்கப்பட்ட பல்வேறு குழுக்களின் தலைவா்கள் உடனிருந்தனா்.
