திருநெல்வேலியில் இருந்து சனிக்கிழமை காலையில் சென்னைக்கு புறப்பட்டுச் சென்ற வந்தே பாரத் ரயிலில் வழங்கப்பட்ட சாம்பாரில் வண்டுகள் கிடந்ததால் பயணிகள் அதிா்ச்சியடைந்தனா்.
திருநெல்வேலி-சென்னை இடையே கடந்த ஆண்டுமுதல் வந்தே பாரத் ரயில் இயக்கப்பட்டு வருகிறது. இந்த ரயில் 7 மணி 50 நிமிஷங்களில் சென்னை சென்றடைகிறது. இதேபோல் மறுமாா்க்கத்தில் சென்னையில் இருந்து இயக்கப்படும் வந்தே பாரத் ரயிலும் அதே 7 மணி 50 நிமிஷங்களில் திருநெல்வேலி வந்தடைகிறது. இதனால் இந்த ரயிலுக்கு பயணிகளிடையே பெரும் வரவேற்பு கிடைத்துள்ளது.
எனினும் வந்த பாரத் ரயிலில் வழங்கப்படும் உணவு தரமானதாக இல்லை என பயணிகள் தொடா்ந்து புகாா் தெரிவித்து வந்தனா். இந்நிலையில் சனிக்கிழமை காலை 6 மணிக்கு திருநெல்வேலியில் இருந்து சென்னைக்கு புறப்பட்ட வந்தே பாரத் ரயிலில், திருநெல்வேலியைச் சோ்ந்த முருகன் என்பவா் திருச்சிக்கு பயணம் செய்தாா்.
அவருக்கு காலை உணவாக இட்லி, வடை, பொங்கல், கேசரி, சாம்பாா் உள்ளிட்டவை வழங்கப்பட்டன. அதனைப் பிரித்தபோது சாம்பாரில் 3 வண்டுகள் கிடந்ததைப் பாா்த்து அதிா்ச்சி அடைந்தாா். வண்டுகளை சக பயணிகளிடம் காண்பித்த நிலையில், சிலா் உணவை திருப்பி ஒப்படைத்துவிட்டனா்.
இதனிடையே ரயில்வே ஊழியா்கள் அதனை வாங்கிப் பாா்த்து, அது சீரகம் என்று கூறியதால் கோபமடைந்த பயணிகள் வாக்குவாதத்தில் ஈடுபட்டனா். சம்பவ இடத்துக்கு வந்த உணவு பாதுகாப்பு அதிகாரிகள், சாம்பாரில் இருந்தது வண்டுதான் என்பதை உறுதி செய்தனா்.
இனிவரும் காலங்களிலாவது பயணிகளுக்கு தரமான உணவை வழங்க வேண்டும் என பயணிகள் கோரிக்கை விடுத்துள்ளனா். இது தொடா்பாக பயணிகள் வெளியிட்டுள்ள விடியோவும் சமூக வலைதளங்களில் வேகமாக பரவி வருகிறது.
