இலவச வெறிநோய் தடுப்பூசி முகாம்

உலக வெறி நோய் தினத்தை முன்னிட்டு செங்கல்பட்டு மாவட்டம், வண்டலூா் கால்நடை மருத்துவமனையில் செல்ல பிராணிகளுக்கான இலவச வெறிநோய் தடுப்பூசி முகாம் வியாழக்கிழமை நடைபெற்றது.

இந்த முகாமை மாவட்ட ஆட்சியா் ச.அருண்ராஜ் தொடங்கி வைத்தாா். முகாமில் மருத்துவமனையில் உள்ள சிகிச்சை பகுதிகள் மற்றும் செல்ல பிராணிகளுக்கு கொடுக்கப்படும் தடுப்பூசி குறித்து ஆட்சியா் கேட்டறிந்து, ஆய்வு மேற்கொண்டாா்.

ஆய்வின்போது, 70-க்கும் மேற்பட்ட செல்ல பிராணிகளுக்கு தடுப்பூசி செலுத்தப்பட்டது.

முகாமில் உதவி இயக்குநா் (கால்நடை) சாந்தி, காட்டாங்கொளத்தூா் ஒன்றியக் குழு தலைவா் உதயா கருணாகரன், மருத்துவா்கள் ஸ்ரீவித்யா, ஸ்ரீனிவாசன், வினோதினி, விக்னேஷ், வட்டார வளா்ச்சி அலுவலா் கலைச்செல்வன், வட்டாட்சியா் புஷ்பலதா மற்றும் பொதுமக்கள் கலந்து கொண்டனா்.