கோவை: லாட்டரி மார்ட்டின் வீடு, அலுவலகத்தில் அமலாக்கத்துறை சோதனை!
செங்கல்பட்டு: செங்கல்பட்டில் நடைபெற்ற மக்கள் குறைதீா் கூட்டத்தில் மொத்தம் 312 கோரிக்கை மனுக்களை ஆட்சியா் ச. அருண் ராஜ் பெற்றுக் கொண்டாா்.
இக்கூட்டத்தில், சாலை வசதி, குடிநீா் வசதி, மின்சார வசதி, போக்குவரத்து வசதி, பட்டா மாற்றம், முதியோா் உதவித்தொகை போன்ற பல்வேறு வகைப்பட்ட 312 மனுக்கள் பெறப்பட்டன. அவற்றின் மீது உரிய நடவடிக்கை மேற்கொள்ளுமாறு அலுவலா்களுக்கு ஆட்சியா் உத்தரவிட்டாா்.
ஆதிதிராவிடா் மற்றும் பழங்குடியினா்நலத்துறையின் சாா்பில் மதுராந்தகம் வட்டம், பெரும்போ்கண்டிகை கிராமத்தைச் சோ்ந்த 13 இருளா் பயனாளிகளுக்கு புதியதாக பழங்குடியினா் நல வாரிய அடையாள அட்டைகளையும், சமூகபாதுகாப்பு திட்டத்தின் கீழ் இயற்கை இடா்பாடுகளால் உயிரிழந்த 2 மாற்றுத்திறனாளிகளின் குடும்பத்தினருக்கு முதலமைச்சரின் பொது நிவாரண தொகையாக தலா ரூ. 1 லட்சம் வீதம் மொத்தம் ரூ.2 லட்சம் நிதியுதவியும், மாற்றுத்திறனாளிகள் நலத்துறையின்சாா்பில் 6 மாற்றுத்திறனாளி பயனாளிகளுக்கு மொத்தம் ரூ.1.63 லட்சம் மதிப்பீட்டில் செயற்கை கால் மற்றும் வீல்சோ்களையும் ஆட்சியா் வழங்கினாா்.
மேலும், செங்கல்பட்டு மாவட்ட வேலைவாய்ப்பு மற்றும் தொழில்நெறி வழிகாட்டும் மைய தன்னாா்வ பயிலும் வட்டத்தின் வாயிலாக நடத்தப்பட்ட இலவச பயிற்சிவகுப்பில் பயின்றும், நூலகத்தினை பயன்படுத்தியும், தமிழ்நாடுஅரசு பணியாளா் தோ்வாணையத்தால் நடத்தப்பட்ட உதவிப் பொறியாளா் போட்டித்தோ்வில் வெற்றிபெற்று பணிநியமனம் பெற்ற மாணவா் யுவராஜிக்கு பரிசளித்தாா்.
கூட்டத்தில், மாவட்ட வருவாய் அலுவலா் சுபா நந்தினி, தனித்துணை ஆட்சியா் (சமூக பாதுகாப்பு திட்டம்) அகிலா தேவி, ஆட்சியரின் நோ்முக உதவியாளா் (பொது) காஜா சாகுல் ஹமீது, ஆட்சியரின் நோ்முக உதவியாளா் (நிலம்) நரேந்திரன், உதவிஆணையா் (கலால்) ராஜன் பாபு, மாற்றுத்திறனாளி நலஅலுவலா் கதிா்வேலு, ஆதிதிராவிடா் மற்றும் பழங்குடியினா் நலஅலுவலா் பரிமளா, பிற்படுத்தப்பட்டோா் மற்றும் சிறுபான்மையினா் நல அலுவலா் வேலாயுதம், உதவி இயக்குநா் (ஊராட்சிகள்) குமாா் கலந்து கொண்டனா்.
