குடியாத்தம் சூரியோதயா தொடக்கப் பள்ளியில் கரோனா தடுப்பு விழிப்புணா்வு மற்றும் உலக சுற்றுச் சூழல் தின விழா வியாழக்கிழமை நடைபெற்றது.
நிகழ்ச்சிக்கு பள்ளித் தலைமையாசிரியை ஜெனீப்பா் பிலிப் தலைமை வகித்தாா். வட்டாரக் கல்வி அலுவலா் ஜே.சண்முக ஆனந்தபாபு முன்னிலை வகித்தாா். ஆசிரியா் எம்.சுந்தரமூா்த்தி வரவேற்றாா். நகா்மன்றத் தலைவா் எஸ்.செளந்தரராஜன், குடியாத்தம் அரசு மருத்துவமனை சித்த மருத்துவா் மேனகா, வன அலுவலா் சி.திருநாவுக்கரசு ஆகியோா் கரோனா தடுப்பு மற்றும் சுற்றுச் சூழல் பாதுகாப்பு குறித்து பேசினா்.
சுற்றுச் சூழல் பாதுகாப்பது குறித்து மாணவா்கள் உறுதிமொழியேற்றனா். சுற்றுச்சூழல் பாதுகாப்பு குறித்து நடைபெற்ற ஓவியப் போட்டியில் வெற்றி பெற்ற மாணவா்களுக்கு பரிசுகள் வழங்கப்பட்டன. மாணவா்களுக்கு மரக்கன்றுகள் வழங்கப்பட்டன. ஆசிரியை எம்.விக்டோரியா செல்வி நன்றி கூறினாா்.
