பாஜகவில் இருந்து விலகி காங்கிரஸில் இணைந்தாா் சி.பி.யோகேஸ்வா்

நன்றி: தினமணிஇணையதளம்.

எம்.எல்.சி. பதவியை ராஜிநாமா செய்திருந்த நிலையில், பாஜகவில் இருந்து விலகிய சி.பி.யோகேஸ்வா் காங்கிரஸ் கட்சியில் இணைந்துள்ளாா்.

சென்னப்பட்டணா சட்டப் பேரவைத் தொகுதிக்கு நவ. 13-ஆம் தேதி நடைபெறவிருக்கும் இடைத்தோ்தலில் பாஜக - மஜத கூட்டணி வேட்பாளராக சி.பி.யோகேஸ்வா் தீவிரமுயற்சியில் இறங்கினாா். ஆனால், தான் ராஜிநாமா செய்ததால் காலியாகி இருக்கும் சென்னப்பட்டணா தொகுதியில் தனது மகனும், மஜத இளைஞா் அணி தலைவருமான நிகில் குமாரசாமியை களமிறக்க மத்திய தொழில்துறை அமைச்சா் எச்.டி.குமாரசாமி திட்டமிட்டிருந்ததால் அதிருப்தி அடைந்த சி.பி.யோகேஸ்வா், தனது எம்.எல்.சி. பதவியை செவ்வாய்க்கிழமை ராஜிநாமா செய்தாா்.

இந்நிலையில், பாஜகவில் இருந்து புதன்கிழமை அதிகாரப்பூா்வமாக விலகிய சி.பி.யோகேஸ்வா், காங்கிரஸ் கட்சியில் இணைந்திருக்கிறாா்.

சென்னப்பட்டணாவில் செல்வாக்கு மிகுந்த சி.பி.யோகேஸ்வா், துணை முதல்வா் டி.கே.சிவகுமாரின் அரசியல் எதிரியாக கருதப்பட்டவா். எனினும், சென்னப்பட்டணா தொகுதியில் தனது அரசியல் எதிரியான எச்.டி.குமாரசாமிக்கு தக்க பாடம் புகட்டும் நோக்கில் முதல்வா் சித்தராமையாவின் முயற்சியால், காங்கிரஸ் கட்சிக்கு சி.பி.யோகேஸ்வா் இழுக்கப்பட்டுள்ளாா்.

பெங்களூரில் புதன்கிழமை துணை முதல்வா் டி.கே.சிவகுமாருடன் முதல்வா் சித்தராமையாவை சந்தித்து ஆசிபெற்ற சி.பி.யோகேஸ்வா், அங்கிருந்து காங்கிரஸ் தலைமை அலுவலகத்துக்கு சென்று காங்கிரஸ் கட்சியில் தன்னை இணைத்துக் கொண்டாா்.

காங்கிரஸ் மாநிலத் தலைவரும், துணை முதல்வருமான டி.கே.சிவகுமாா், அமைச்சா்கள் ராமலிங்க ரெட்டி, கிருஷ்ண பைரேகௌடா, செலுவராயசாமி, ஜமீா் அகமதுகான் ஆகியோா் சி.பி.யோகேஸ்வரை கட்சிக்கொடி அளித்து கட்சியில் வரவழைத்துக் கொண்டனா். சி.பி.யோகேஸ்வருடன் பாஜக நிா்வாகிகள் பலரும் காங்கிரஸ் கட்சியில் இணைந்தனா்.

இதுகுறித்து துணைமுதல்வா் டி.கே.சிவகுமாா் கூறியதாவது:

என்னைச் சந்தித்த சி.பி.யோகேஸ்வா், தனது அரசியல் வாழ்க்கை தொடங்கிய காங்கிரஸ் கட்சியில் மீண்டும் தொடர விரும்புவதாக தெரிவித்து, நிபந்தனைகள் இல்லாமல் கட்சியில் சேருவதாக கூறினாா். உள்ளூா் தலைவா்களை கலந்தாலோசித்த பிறகு, கட்சித் தலைமையின் அனுமதியைப் பெற்று சி.பி.யோகேஸ்வரை கட்சியில் உறுப்பினராக சோ்த்துக் கொண்டுள்ளோம்.

இடைத்தோ்தல் நடைபெறும் 3 சட்டப் பேரவைத் தொகுதிகளுக்கான வேட்பாளா்களின் பரிந்துரையை கட்சித் தலைமைக்கு அனுப்பியுள்ளேன். அதிகாரப்பூா்வ வேட்பாளரை கட்சித் தலைமை அறிவிக்கும். அந்த 3 வேட்பாளா்களும் வியாழக்கிழமை தங்களது வேட்புமனுவை தாக்கல் செய்வா். சென்னப்பட்டணா தொகுதியில் வேட்பாளராக்க சி.பி.யோகேஸ்வா் பெயா் அடங்கிய பரிந்துரையை கட்சித் தலைமைக்கு அளித்துள்ளேன் என்றாா்.

சி.பி.யோகேஸ்வா் கூறுகையில், ‘டி.கே.சிவகுமாரின் தலைமையில்தான் எனது அரசியல் வாழ்க்கையை காங்கிரஸ் கட்சியில் தொடங்கினேன். காங்கிரஸ் கட்சியில் இருந்து விலகியிருந்த நான், மீண்டும் கட்சியில் இணைந்துள்ளேன். எஞ்சியுள்ள எனது அரசியல் வாழ்க்கை காங்கிரஸ் கட்சியிலேயே இருக்கும் என்று கருதுகிறேன். மீண்டும் காங்கிரஸ் கட்சியில் என்னை இணைப்பதில் டி.கே.சுரேஷ் முக்கியப் பங்காற்றினாா்’ என்றாா்.

சென்னப்பட்டணா சட்டப் பேரவைத் தொகுதிக்கான இடைத்தோ்தலில் காங்கிரஸ் வேட்பாளராக போட்டியிட வியாழக்கிழமை காலை 11 மணிக்கு சி.பி.யோகேஸ்வா் வேட்புமனு தாக்கல் செய்யவிருக்கிறாா். முன்னதாக நடக்க இருக்கும் பேரணியில் முதல்வா் சித்தராமையா, துணை முதல்வா் டி.கே.சிவகுமாா் உள்ளிட்டோா் கலந்துகொள்ள இருக்கிறாா்கள்.