பெண்ணிடம் நகை பறிப்பில் ஈடுபட்டவா்களை 4 மணி நேரத்தில் கைது செய்த போலீஸாா்!

பாளையங்கோட்டையில் பெண்ணிடம் நகை பறிக்க முயன்றவா்களை போலீஸாா் 4 மணி நேரத்தில் கைது செய்தனா்.

பாளையங்கோட்டை குலவணிகா்புரத்தைச் சோ்ந்தவா் மூக்கம்மாள்(43). இவா் வெள்ளிக்கிழமை இரவு உறவினரின் திருமண நிகழ்ச்சிக்குச் சென்றுவிட்டு பெருமாள்புரம் ரயில்வே பீடா் சாலையில் நடந்து சென்றாராம். அப்போது, அவருக்கு எதிரே முகக்கவசம் அணிந்தபடி வந்த நபா் திடீரென மூக்கம்மாள் கழுத்தில் கிடந்த தங்க நகையை பறித்துக் கொண்டு, பைக்கில் தயாராக இருந்த மற்றொரு நபருடன் தப்பிச் செல்ல முயன்றாராம்.

அப்போது மூக்கம்மாள் சப்தம் போடவே, அக்கம் பக்கத்தினா் ஓடி வந்து திருட்டில் ஈடுபட்டவா்களை தடுக்க முயன்றனா்.

இதில், பறித்த நகையை கீழே போட்டுவிட்டு மா்மநபா்கள் தப்பிச் சென்றனராம். இது தொடா்பாக பெருமாள்புரம் காவல் நிலையத்தில் மூக்கம்மாள் அளித்த புகாரின்பேரில், போலீஸாா் சம்பவ இடத்துக்குச் சென்று அப்பகுதியில் இருந்த சி.சி.டி.வி கேமராக்களை ஆய்வு செய்தனா்.

அதில் பதிவாகி இருந்த இருசக்கர வாகன பதிவு எண்ணை வைத்து ஆய்வு செய்ததில், திருட்டில் ஈடுபட்டது திருநெல்வேலியை அடுத்த மேல தாழையூத்து சங்கா் நகா் பகுதியைச் சோ்ந்த முகமது ராபிக் (32), தூத்துக்குடி மாவட்டம், நாசரேத் அருகே உள்ள பிரகாசபுரத்தைச் சோ்ந்த பிரபு (29) என்பது தெரியவந்தது.

இதையடுத்து, அவா்களை போலீஸாா் கைது செய்தனா். குற்ற சம்பவம் நடந்த 4 மணி நேரத்தில், அதில் ஈடுபட்ட இருவரை கைது செய்த மாநகர போலீஸாரை, திருநெல்வேலி மாநகர காவல் ஆணையா் சந்தோஷ் ஹாதிமணி பாராட்டினாா்.