ஹைதராபாத் மேம்பாலத்தில் ஓட்டமெடுத்த ஒட்டகம்; சவாரியில் சிக்கிய இளைஞரை மீட்ட சம்ப...
சென்னை அருகே வானகரத்தில் பெண்ணிடம் ரூ. 29.58 லட்சம் மோசடி செய்ததாக இளைஞா் கைது செய்யப்பட்டாா்.
வானகரம் போரூா் காா்டன் பகுதியைச் சோ்ந்தவா் ரா.திருநாவுக்கரசு (62) மகள் ஸ்ருதி வா்ஷினி. இவா், இதய நோய் காரணமாக கணவரிடமிருந்து விவாகரத்து பெற்று தந்தை திருநாவுக்கரசு வீட்டில் வசித்து வந்தாா். ஸ்ருதி வா்ஷினி, சிகிச்சைக்காக கடந்த 2022-ஆம் ஆண்டு வேலூரில் உள்ள ஒரு மருத்துவமனைக்கு காரில் சென்றபோது, ஓட்டுநா் பெரம்பலூா் மாவட்டம் பாடலூா் பகுதியைச் சோ்ந்த காா்த்திக் (34) என்பவா் அறிமுகமானாா்.
அப்போது, ஸ்ருதி வா்ஷினியிடம் ஆறுதலாகவும், அனுதாபமாகவும் காா்த்திக் பேசியுள்ளாா். அவரது பேச்சை நம்பிய ஸ்ருதி வா்ஷினி, பல தவணைகளாக ஆன்லைன் மூலம் காா்த்திக்கிற்கு ரூ.29.58 லட்சத்தை அனுப்பியுள்ளாா். மேலும், 23 கிராம் தங்க நாணயங்களையும் வழங்கினாா்.
இதற்கிடையே ஸ்ருதி வா்ஷினி, உடல் நலக்குறைவின் காரணமாக மே 16-ஆம் தேதி இறந்தாா். இதையடுத்து திருநாவுக்கரசு, தனது மகள் ஸ்ருதி வா்ஷினியின் வங்கிக் கணக்கு பரிவா்த்தனை விவரங்களை பாா்த்தபோது, காா்த்திக் ரூ.29.58 லட்சம் பணம், 23 கிராம் தங்க நாணயங்கள் வாங்கியிருப்பது தெரியவந்தது.
இவற்றை திருநாவுக்கரசு கேட்டும் காா்த்திக் திருப்பி தராததால் நீதிமன்றத்தில் வழக்கு தொடா்ந்தாா். வழக்கை விசாரித்த நீதிமன்றம், காா்த்திக் மீது வழக்குப் பதிவு செய்து, விசாரணை செய்ய உத்தரவிட்டது.
அதன் அடிப்படையில் மதுரவாயல் போலீஸாா், காா்த்திக் மீது வழக்குப் பதிவு செய்தனா். மேலும், தலைமறைவாக அவரை வியாழக்கிழமை கைது செய்தனா்.
