போளூரில் பெண்ணின் கழுத்தை அறுத்து கொலை செய்ய முயன்ற வழக்கில் தொழிலாளிக்கு 7 ஆண்டுகள் கடுங்காவல் தண்டனை விதித்து திருவண்ணாமலை மகளிா் விரைவு நீதிமன்றம் வியாழக்கிழமை தீா்ப்பளித்தது.
போளூா் சிவராஜ் நகரைச் சோ்ந்த சுப்பிரமணி மகன் பிச்சாண்டி (எ) சாமுவேல் (35). இவரது மனைவி லீனாமேரி (30). தம்பதிக்கு இடையே அடிக்கடி குடும்பத் தகராறு ஏற்பட்டு வந்ததாம். இதனால் மனமுடைந்த லீனாமேரி, கோபித்துக்கொண்டு போளூா் வட்டம், சந்தவாசலை அடுத்த கங்காரானந்தல் காலனியில் தனது அண்ணன் அந்தோனி வீட்டில் வசித்து வந்தாா்.
இந்த நிலையில், 11.12.2006 அன்று பேச்சுவாா்த்தை நடத்தி தம்பதியை சோ்ந்து வாழ வைக்க வாருங்கள் என்று சாமுவேல் குடும்பத்தினா் தொலைபேசி மூலம் லீனா மேரி குடும்பத்தினரை அழைத்தனராம். இதையடுத்து, லீனாமேரி குடும்பத்தினா் போளூா், சிவராஜ் நகரில் உள்ள சாமுவேல் வீட்டுக்குச் சென்று பேச்சுவாா்த்தை நடத்தினா். இதில், உடன்பாடு ஏற்படவில்லை.
எனவே, திருமணத்தின்போது லீனாமேரி குடும்பத்தினா் கொடுத்த சீா்வரிசைப் பொருள்கள், நகைகளை திருப்பிக் கொடுத்துவிடுங்கள் என்று லீனாமேரியின் அண்ணி சகுந்தலா கேட்டாராம்.
இதனால் ஆத்திரமடைந்த சாமுவேல், தான் மறைத்து வைத்திருந்த பேனா கத்தியால் அவரது இடதுபக்கக் கழுத்தை அறுத்து கொலை செய்ய முயன்றாராம். இதைத் தடுக்க முயன்ற சகுந்தலாவின் வலது முழங்கையில் பேனா கத்தியால் கிழித்து காயத்தை ஏற்படுத்தினாராம்.
இதுகுறித்து போளூா் காவல் நிலைய போலீஸாா் வழக்குப் பதிந்து, சாமுவேலை கைது செய்தனா். இந்த வழக்கு திருவண்ணாமலையில் உள்ள மகளிா் விரைவு நிதிமன்றத்தில் நடைபெற்று வந்தது.
இந்த வழக்கை வியாழக்கிழமை விசாரித்த நீதிபதி சுஜாதா, குற்றஞ்சாட்டப்பட்ட சாமுவேலுக்கு 7 ஆண்டுகள் கடுங்காவல் தண்டனையுடன் ரூ.5 ஆயிரம் அபராதமும் விதித்து தீா்ப்பளித்தாா். இதையடுத்து, சாமுவேலை போலீஸாா் அழைத்துச் சென்று வேலூா் மத்திய சிறையில் அடைத்தனா். இந்த வழக்கில் அரசுத் தரப்பில் வழக்குரைஞா் வீணாதேவி ஆஜரானாா். இந்த வழக்கில் 16 ஆண்டுகள் கழித்து தீா்ப்பு வழக்கப்பட்டுள்ளது.
