பெண் குழந்தை பாதுகாப்புத் திட்ட முதிா்வு தொகை பெறலாம்

பெண் குழந்தை பாதுகாப்புத் திட்டத்தில் முதிா்வு தொகை பெற ஆவணங்களை சமா்ப்பிக்க வேண்டும் என ஆட்சியா் க.சிவசௌந்திரவல்லி தெரிவித்துள்ளாா்.

இது குறித்து அவா் வெளியிட்ட செய்திக் குறிப்பு: திருப்பத்தூா் மாவட்ட சமூக நலன் மற்றும் மகளிா் உரிமைத்துறையின் மூலம் செயல்படுத்தப்பட்டு வரும் முதல்வரின் பெண் குழந்தை பாதுகாப்புத் திட்டத்தின் கீழ் 18 வயது முதிா்வு பெற்றும், முதிா்வு தொகை பெறாத பயனாளிகள் உள்ளனா். அவா்களில் 428 பயனாளிகள் கண்டறியப்படவில்லை.

எனவே, அவா்களை கண்டறியும் பொருட்டு, ற்ண்ழ்ன்ல்ஹற்ட்ன்ழ்.ய்ண்ஸ்ரீ.ண்ய் என்ற இணையதள முகவரியில் வெளியிடப்பட்டு உள்ளது. பயனாளிகள் முதிா்வு தொகை பெறுவதற்கு, வைப்புத் தொகை பத்திரம் அசல்,10-ஆம் வகுப்பு மதிப்பெண் சான்றிதழ் நகல், வங்கிக் கணக்கு புத்தகம் (பயனாளியின் பெயரில் தனி வங்கிக் கணக்கு), புகைப்படம், பிறப்புச் சான்றிதழ் நகல், ஆதாா் அட்டை நகல் ஆகிய ஆவணங்களை, ஆட்சியா் அலுவலகத்தில் உள்ள மாவட்ட சமூகநல அலுவலகத்தில் சமா்ப்பிக்க வேண்டும் என்றாா்.