ஆம்பூரில் பாலியல் புகாருக்கு உள்ளான சிவாச்சாரியரை பணி நீக்கம் செய்ய வேண்டுமென இந்து அமைப்புகள் கோரிக்கை விடுத்துள்ளன.
ஆம்பூா் சுயம்பு ஸ்ரீ நாகநாத சுவாமி கோயிலில் உழவார பணிக்கு சென்ற பெண்ணை பாலியல் துன்புறுத்தலுக்கு ஆளாக்கி திருமணம் செய்வதாக ஏமாற்றி மிரட்டிய கோயில் அா்ச்சகா் சிவாச்சாரியா் தியாகராஜன் (45) மீது அப்பெண் திருப்பத்தூா் எஸ்.பி.யிடம் புகாா் அளித்தாா்.
புகாரின் பேரில் ஆம்பூா் அனைத்து மகளிா் போலீஸாா் 4 பிரிவுகளின் கீழ் சிவாச்சாரியா் மீது வழக்கு பதிவு செய்தனா்.
அதைத் தொடா்ந்து நிரந்தர பணியாளராக இருப்பதால் அவா் மீது துறை ரீதியான நடவடிக்கை ஏன் எடுக்கக் கூடாது என்பதற்கான விளக்கத்தை 3 நாள்களுக்குள் நேரில் ஆஜராகி எழுத்துப்பூா்வமாக அளிக்க வேண்டுமென கோயில் செயல் அலுவலா் சிவசங்கரி நோட்டீஸ் அனுப்பியுள்ளாா்.
இந்நிலையில் அவரை பணி நீக்கம் செய்யாமல், விளக்கம் கேட்டு நோட்டீஸ் அனுப்பியுள்ளது ஆம்பூா் பகுதி பக்தா்களிடையே அதிருப்தியை ஏற்படுத்தியுள்ளது.
சிவாச்சாரியரின் செயலால் கோயில் நற்பெயருக்கு களங்கம் ஏற்பட்டுள்ளது. அவா் பணியில் தொடா்ந்தால் பல்வேறு பிரச்னைகள் ஏற்படும். அதனால் அவரை பணி நீக்கம் செய்ய வேண்டுமென வலியுறுத்தி ஆம்பூா் ஆன்மிகப் பேரவை, விஜய பாரத மக்கள் கட்சி ஆகியவை சாா்பாக அதன் பிரதிநிதிகள், நிா்வாகிகள் கோயில் செயல் அலுவலா் சிவசங்கரியை சந்தித்து மனு அளித்துள்ளனா்.
