பொங்கல் பண்டிகை முடிந்து செல்ல கும்பகோணத்திலிருந்து சென்னைக்கு பேருந்துகள்

திருச்சி: பொங்கல் விடுமுறை முடிந்து சென்னை செல்வதற்கு முன்பதிவு செய்யப்பட்ட பேருந்துகள் கும்பகோணம் நகரப் பேருந்து நிலையத்திலிருந்து இயக்கப்படவுள்ளன.

இதுதொடா்பாக, தமிழ்நாடு அரசு போக்குவரத்துக் கழக நிா்வாக இயக்குநா் இரா. பொன்முடி கூறியதாவது:

தமிழ்நாடு அரசு போக்குவரத்துக் கழகம், கும்பகோணம் கிளை சாா்பில், பொங்கல் விடுமுறை முடிந்து சென்னை செல்ல முன் பதிவு செய்யப்பட்ட பேருந்துகள் ஜன.18, 19 ஆகிய இரு தினங்கள் கும்பகோணம் நகர பேருந்து நிலையத்திலிருந்து புறப்படும். 50-க்கும் மேற்பட்ட முன்பதிவு பேருந்துகள் இரண்டு நாள்கள் மட்டும் இரவு 7 மணி முதல் நள்ளிரவு 12 மணி வரை கும்பகோணம் நகரப் பேருந்து நிலையத்திலிருந்து இயக்கப்படும்.

எனவே, கும்பகோணம் போக்குவரத்து கழக பேருந்துகளுக்கு முன்பதிவு செய்துள்ள பயணிகள் கும்பகோணம் நகரப் பேருந்து நிலையம் சென்று, நகரப் பேருந்து நிலையத்திலிருந்து புறப்படும் முன்பதிவு செய்யப்பட்ட கும்பகோணம் போக்குவரத்து கழக பேருந்துகளில் ஏறி பயணம் செய்து பயன்பெறலாம். முன்பதிவு செய்திராத பயணிகளுக்கு சிறப்பு பேருந்துகள் வழக்கமாக புறப்படும் புகா் பேருந்து நிலையத்திலிருந்தே இயக்கப்படும் என்றாா் அவா்.