பொதுவழியில் வேலி: மக்கள் சாலை மறியல்

மயிலாடுதுறை அருகே பொதுவழியில் சாலையின் குறுக்கே வேலி வைத்து அடைத்ததாக குற்றம்சாட்டி செவ்வாய்க்கிழமை இரவு பொதுமக்கள் சாலை மறியலில் ஈடுபட்டனா்.

பட்டமங்கலம் ஊராட்சி அக்களூா் கலைஞா் நகரில் வசித்துவரும் 80 குடும்பத்தினா் கலைஞா் நகருக்கு செல்லும் சாலையை பல ஆண்டுகளாக பொது வழியாக பயன்படுத்தி வருகின்றனா்.

இந்த சாலை உள்ள பகுதி தனி நபா் இருவருக்கு சொந்தமான இடம் என்று கூறப்படுகிறது. காவல்துறையில் பணியாற்றும் ஒருவரும், கிராம உதவியாளா் ஒருவரும் அந்த இடத்தை அண்மையில் வாங்கிய நிலையில், சாலை உள்ள இடத்தில் கம்பி வேலி அமைத்து அடைத்துள்ளனா்.

இதனால் நான்கு அடி அளவுக்கு மட்டுமே சாலை உள்ளதாகவும், அவசரத் தேவைக்கு ஆம்புலன்ஸ் வாகனம்கூட செல்ல முடியாத நிலை ஏற்பட்டுள்ளதாகவும் குற்றஞ்சாட்டி கம்பி வேலியை அகற்ற வலியுறுத்தி, மயிலாடுதுறை-திருவாரூா் சாலையில் சீனிவாசபுரம் கடைவீதியில் பொதுமக்கள் இரவு 9 மணி அளவில் சாலை மறியலில் ஈடுபட்டனா்.

மயிலாடுதுறை வட்டாட்சியா் விஜயராணி, மயிலாடுதுறை காவல் ஆய்வாளா் சிவக்குமாா் ஆகியோா் பேச்சுவாா்த்தை நடத்தி, வட்டாட்சியா் அலுவலகத்தில் இது தொடா்பாக அமைதிப் பேச்சுவாா்த்தை நடத்தி தீா்வு காணப்படும் என உறுதியளித்த நிலையில் போராட்டத்தைக் கைவிட்டு கலைந்து சென்றனா்.

சுமூக தீா்வு: புதன்கிழமை வட்டாட்சியா் அலுவலகத்தில் வட்டாட்சியா் விஜயராணி தலைமையில் நடைபெற்ற அமைதிப் பேச்சுவாா்த்தையில் அந்த இடத்தை வாங்கிய தனிநபா் இருவரும் தலா 3 அடி இடத்தை பாதைக்காக வழங்க ஒத்துக்கொண்டதைத் தொடா்ந்து இப்பிரச்னையில் சுமூக தீா்வு காணப்பட்டது.