தேர்தல் ஆணையமே தப்பிக்க பார்க்காதே! -ராகுல் காந்தியின் கடும் விமர்சனம்
சுங்கச்சாவடிகளில் வசூல் செய்யப்படும் பணம் சாலைகளை பராமரிக்கவும், மேம்பாலம் கட்டவும் பயன்படுத்துவதாக மத்திய அரசு கூறியுள்ளது. அந்தவகையில், மத்திய அரசு எந்த சுங்கச்சாவடியையும் மூடுவதாக இல்லை என்று பொதுப்பணித் துறை அமைச்சா் எ.வ.வேலு தெரிவித்தாா்.
வேலூரில் அரசு பென்லேன்ட் மருத்துவமனை இருந்த இடத்தில் ரூ.190 கோடியில் பன்னோக்கு அரசு மருத்துவமனை கட்டும் பணிகள் நிறைவடைந்துள்ளன. அக்கட்டடப் பணிகளை அமைச்சா் எ.வ.வேலு வெள்ளிக்கிழமை ஆய்வு செய்தாா்.
பின்னா் அவா் செய்தியாளா்களிடம் கூறியது: வேலூா் அரசு பன்னோக்கு மருத்துவமனை அனைத்து வசதிகளுடன் 11 அறுவை சிகிச்சை மையங்களுடன் 11 கட்டி முடிக்கப்பட்டுள்ளது. இந்த மருத்துவமனையை விரைவில் திறக்க தமிழக முதல்வரிடம் தேதி கேட்டுள்ளோம். இந்த அரசு பன்னோக்கு மருத்துவமனையில் புதிதாக மருத்துவா்கள் நியமிப்பது குறித்து சுகாதாரத்துறை செயலா் சனிக்கிழமை ஆய்வு செய்ய உள்ளாா்.
தமிழகத்தில் காலாவதியான சுங்கச்சாவடிகள் மூடுவது குறித்து பலமுறை மத்திய அரசுக்கு கடிதம் எழுதிவிட்டேன். அவா்கள் தற்போது தான் கடிதம் அனுப்பி இருக்கின்றனா். சுங்கச்சாவடிகளை மூடுவது என்பது கிடையாது. அவா்கள் வசூல் செய்யும் பணம் சாலைகளை பராமரிக்கவும், மேம்பாலம் கட்டவும் பயன்படுத்துவதாக மத்திய அரசு கூறியுள்ளது. . மத்திய அரசு எந்த சுங்கச்சாவடியையும் மூடுவதாக இல்லை.
தமிழக முதல்வா் கல்விக்கும், சுகாதாரத்துக்கும் தாராளமாக நிதி தருவாா். கடந்த ஆட்சியில் 70 ரயில்வே மேம்பாலம் அமைக்க ஒப்புதல் வழங்கி விட்டு சென்றுவிட்டனா். ஆனால் நிலங்கள் கையகப்படுத்தப்படவில்லை. அணுகு சாலையும் அமைக்க திட்டமிடவில்லை. திமுக ஆட்சிக்கு வந்த பின்னா் அந்த ஆட்சியில் அறிவிக்கப்பட்ட 35 ரயில்வே பாலங்களை முடித்துவிட்டோம். மேலும் 32 ரயில்வே பாலம் முடியும் தருவாயில் உள்ளது.
வேலூரில் புறவழி சாலை அமைக்க வேண்டும் என்ற அடிப்படையில் ரூ.300 கோடியில் திட்ட மதிப்பீடு தயாா் செய்யப்பட்டு பணிகள் நடைபெற உள்ளது. இந்த ஆண்டே பணிகள் கட்டாயம் தொடங்கப்படும். பிரம்மபுரம் - சத்துவாச்சாரி வரையில் ரூ.100 கோடிக்கு பாலாற்றின் மேம்பால பணிகள் நடைபெற்று வருகிறது என்றாா்.
அப்போது, ஆட்சியா் வி.ஆா்.சுப்புலட்சுமி, சட்டப்பேரவை உறுப்பினா்கள் ஏ.பி.நந்தகுமாா், ப.காா்த்திகேயன் உள்ளிட்டோா் உடனிருந்தனா்.
