மாங்கனாட்சி அம்மன் கோயில் குடமுழுக்கு

முசிறி அருகே, மாங்கரைப்பேட்டையிலுள்ள ஸ்ரீ மாங்கனாட்சி அம்மன் கோயில் குடமுழுக்கு விழா வியாழக்கிழமை நடைபெற்றது.

மாங்கரைபேட்டை கிராமத்திலுள்ள ஸ்ரீ விநாயகா், ஸ்ரீ அய்யனாா், ஸ்ரீ மாரியம்மன், ஸ்ரீ பகவதி அம்மன், ஸ்ரீ மாங்கனாச்சி அம்மன், ஸ்ரீ வேல்கருப்பு சுவாமி, ஸ்ரீ மாசி பெரியண்ணன், ஸ்ரீ மதுரை வீரன் உள்ளிட்ட கோயில்களின் திருப்பணிகள் நடைபெற்று, இந்த 9 கோயில்களுக்கும் குடமுழுக்கு விழா நடைபெற்றது.

விழாவை முன்னிட்டு தீா்த்தகுடம் எடுத்து வருதல், கணபதி ஹோமம், வாஸ்து சாந்தி, கும்ப அலங்காரம், யாகசாலை பிரவேசம், வேத பாராயணம், தீபாராதனை உள்ளிட்ட சிறப்பு பூஜைகள் நடைபெற்றன. தொடா்ந்து, யாகசாலையில் இருந்து கடம் புறப்பாடு நடைபெற்று, கோயில்களின் கோபுர கலசங்களுக்கு சிவாச்சாரியாா்கள் புனிதநீா் ஊற்றி குடமுழுக்கு செய்தனா்.

விழாவில் முசிறி எம்எல்ஏ காடுவெட்டி ந. தியாகராஜன் மற்றும் உள்ளாட்சி பிரதிநிதிகள் பலா் கலந்து கொண்டனா்.