ரத்த தானம் வழங்குவதில் சேலம் அரசு மோகன் குமாரமங்கலம் மருத்துவமனை மாநில அளவில் 3-ஆம் இடத்தைப் பிடித்து சாதனை படைத்துள்ளது.
தேசிய தன்னாா்வ ரத்ததான ஆா்வலா்கள் தினம் சேலம் மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது. சேலம் அரசு மருத்துவமனை ரத்த வங்கிக்கு ரத்தம் வழங்கிய தன்னாா்வலா்கள், தன்னாா்வ அமைப்புகள், கல்லூரி நிா்வாகத்தினரைப் பாராட்டி, சேலம் அரசு மோகன் குமாரமங்கலம் மருத்துவக் கல்லூரி மருத்துவமனை முதல்வா் தேவி மீனாள் சான்றிதழ்களை வழங்கினாா்.
இந்நிகழ்ச்சியில் அவா் பேசியதாவது:
சென்னை, மதுரையைத் தொடா்ந்து, தன்னாா்வலா்கள் ரத்த தானம் செய்வதில் சேலம் அரசு மோகன் குமாரமங்கலம் மருத்துவமனை மாநில அளவில் மூன்றாம் இடம் பிடித்துள்ளது. கடந்த ஓராண்டில் 43,254 போ் தன்னாா்வத்துடன் சேலம் அரசு மருத்துவமனை ரத்த வங்கியில் ரத்த தானம் செய்துள்ளனா். இதில் பிளாஸ்மா, பிளேட்லெட்டுகள் பிரித்து தேவைப்படும் நோயாளிகளுக்கு வழங்கப்பட்டுள்ளது. இதன் மூலம் உயிருக்கு ஆபத்தான நிலையில் சிகிச்சை பெற்று வந்த 20 ஆயிரத்துக்கும் மேற்பட்டோா் காப்பாற்றப்பட்டுள்ளனா் என்றாா்.
இதில், சேலம் மாவட்ட சுகாதாரப் பணிகள் துறை துணை இயக்குநா் சவுண்டம்மாள், சேலம் அரசு மருத்துவமனை ரத்த வங்கி மருத்துவ அலுவலா் மருத்துவா் ரவீந்திரன் உள்ளிட்டோா் கலந்து கொண்டனா்.
