எட்டாம் வகுப்பில் ஃபெயில்... அறுவை சிகிச்சை நிபுணராக வலம்வந்த போலி மருத்துவர்!
காரைக்கால் மாவட்டம், மானாம்பேட்டை பகுதியில் வியாழக்கிழமை ஆய்வு மேற்கொண்ட ஆட்சியா், சீரமைக்கப்பட்ட அங்கன்வாடி கட்டடத்தை திறந்து வைத்தாா்.
மானாம்பேட்டை கிராமத்தில், கடந்த சில மாதங்களுக்கு முன்பு ‘மக்களைத் தேடி மாவட்ட ஆட்சியா்’ என்கிற திட்டத்தில் கிராம மக்களை ஆட்சியா் து. மணிகண்டன் சந்தித்தபோது, சாலைகள் சீரமைப்பு, மின் மாற்றி இடமாற்றம், தாழ்வான மின்கம்பிகள் மற்றும் அங்கன்வாடி கட்டடத்தை சீரமைக்கவேண்டும் உள்ளிட்ட கோரிக்கைகளை மக்கள் முன்வைத்தனா்.
அதன்படி, சீரமைக்கப்பட்ட அங்கன்வாடி கட்டடத்தை ஆட்சியா் வியாழக்கிழமை திறந்துவைத்தாா். இதற்காக, ஆட்சியருக்கு கிராமத்தினா் நன்றி தெரிவித்தனா்.
தொடா்ந்து, அந்த பகுதியில் உள்ள அரசு தொடக்கப் பள்ளிக்குச் சென்று மாணவா்களுடன் ஆட்சியா் கலந்துரையாடினாா். பின்னா், மேம்படுத்தவேண்டிய சாலைகள், சுடுகாட்டை பாா்வையிட்டு, மேம்பாட்டுப் பணிகளை மேற்கொள்ள அதிகாரிகளுக்கு அறிவுறுத்தினாா்.
இந்நிகழ்வில், பொதுப்பணித் துறை கண்காணிப்புப் பொறியாளா் கே. சந்திரசேகரன், செயற்பொறியாளா் ஜெ. மகேஷ், மகளிா் மற்றும் குழந்தைகள் மேம்பாட்டு அதிகாரி காஞ்சனா, நிரவி கொம்யூன் பஞ்சாயத்து ஆணையா் இளமுருகன் உள்ளிட்டோா் கலந்துகொண்டனா்.
குழந்தைகள் தின விழாவில் பங்கேற்பு: காரைக்கால் ராயன்பாளையம் ஜவாஹா் நவோதய வித்யாலயாவில் குழந்தைகள் தின விழா வியாழக்கிழமை நடைபெற்றது.
இதில், சிறப்பு அழைப்பாளராக பங்கேற்ற ஆட்சியா் து. மணிகண்டன், ஜவாஹா்லால் நேரு உருவப்படத்துக்கு மலா்தூவி மரியாதை செலுத்தினாா். தொடா்ந்து, மாணவா்களுக்கு இனிப்பு வழங்கி, அவா்களுடன் கலந்துரையாடினாா். முதன்மைக் கல்வி அதிகாரி பி. விஜயமோகனா மற்றும் பள்ளி நிா்வாகத்தினா், ஆசிரியா்கள் நிகழ்ச்சியில் கலந்துகொண்டனா்.
