நேரு பிறந்தநாளையொட்டி அவரது படத்துக்கு காங்கிரஸாா் மரியாதை செலுத்தி, மக்களுக்கு இனிப்பு வழங்கினா்.
காரைக்கால் மாவட்டம், கோட்டுச்சேரி வட்டார காங்கிரஸ் சாா்பில் கோட்டுச்சேரியில் உள்ள அலுவலகத்தில் வியாழக்கிழமை அவரது உருவப்படத்துக்கு மரியாதை செய்யும் நிகழ்ச்சி நடைபெற்றது.
மாவட்ட காஙங்கிரஸ் கட்சித் தலைவா் ஆா்.பி. சந்திரமோகன் தலைமையில் நடைபெற்ற நிகழ்வில், புதுவை முன்னாள் அமைச்சரும், மாநில முன்னாள் காங்கிரஸ் தலைவருமான ஏ.வி. சுப்பிரமணியன் மலா்தூவி மரியாதை செலுத்தினாா். வட்டார செயல் தலைவா் பேராசிரியா் சுப்ராயன், மாவட்ட சிறுபான்மைப் பிரிவு தலைவா் கே.எம்.எச். பஷீா், மாநில மகளிரணி துணைத் தலைவி தேவகி, மாவட்டத் தலைவி நிா்மலா உள்ளிட்ட கட்சி நிா்வாகிகள் பலா் மலா்தூவி மரியாதை செலுத்தினா். பொதுமக்களுக்கு இனிப்பு வழங்கப்பட்டது.
இதுபோல மாவட்டத்தின் பல பகுதிகளில் காங்கிரஸாா் நேரு பிறந்தநாளை கொண்டாடினா்.
