``மிரட்டும் மிருகம்; காப்பாற்றும் மோகன்லால், பிரித்விராஜ்...'' - தொடர் கனவால் நவ்யா நாயர் கவலை!
Admin
- 2 weeks ago
தமிழில் ரசிக்கும் சீமானே, ராமன் தேடிய சீதை உள்ளிட்டப் படங்களில் நடித்து பிரபலமானவர் நவ்ய நாயர். பரத நாட்டிய கலைஞரான இவர், தொடர்ந்து பரத நாட்டிய நிகழ்ச்சிகளை நடத்தியும், மலையாளப் படங்களிலும் நடித்து வருகிறார். இந்த நிலையில், சமீபத்தில் அவர் தன் இன்ஸ்டாகிராம் பக்கத்தில் வீடியோ ஒன்றை வெளியிட்டிருக்கிறார். அதில், ``சமீபகாலமாக நான் கெட்ட, பயங்கரமான கனவுகளால் பாதிக்கப்பட்டு வருகிறேன். குழந்தைப் பருவத்திலிருந்தே பல விசித்திரமான, பயங்கரமான கனவுகளால் பாதிக்கப்பட்டிருக்கிறேன். நடு இரவில் அதிர்ச்சி கனவுகளால் தூக்கத்தை இழந்து, மீண்டும் தூங்க முயற்சிப்பேன்.
அதிகாலை 2 மணி அல்லது வெளிச்சம் வந்தப்பிறகுதான் தூக்கம் வரும். பகலில்தான் நிம்மதியாக தூங்க முடிகிறது. வழக்கமாக வரும் கனவில், ஒரு விசித்திர மிருகம் என்னைத் தாக்க வரும். அப்போது ஒளிப்பதிவாளர் பி.சுகுமார், நடிகர் பிரித்விராஜ், மோகன்லால் ஆகியோர் என்னை அந்த மிருகத்திடமிருந்து காப்பாற்ற முயற்சிப்பார்கள். இந்தக் கனவு தொடர்ந்து வருகிறது. இது கேட்பதற்கு வித்தியாசமாகவோ, நகைச்சுவையாகவோ இருக்கலாம். ஆனால், உண்மையில் மிக பயங்கரமானது. இந்த அனுபவம் இப்போது அடிக்கடி ஏற்படுகிறது" எனத் தெரிவித்திருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
