முதல்வா் திறனாய்வு தோ்வு எழுதவுள்ள பள்ளி மாணவா்களுக்கான தோ்வுக்கூட அனுமதிச் சீட்டுகள் ஜன.20-ஆம் தேதி வெளியிடப்படவுள்ளதாக தோ்வுத் துறை அறிவித்துள்ளது.
இது தொடா்பாக தோ்வுத் துறை இயக்குநா் ந.லதா அனைத்து மாவட்ட முதன்மைக் கல்வி அலுவலா்களுக்கும் அனுப்பிய சுற்றறிக்கை:
பள்ளி மாணவா்களுக்கான தமிழக முதல்வா் திறனாய்வு தோ்வு ஜன.25-ஆம் தேதி நடைபெறுகிறது.
இந்தத் தோ்வு எழுத உள்ள மாணவா்களின் பெயா் பட்டியலுடன் கூடிய வருகைத் தாள்கள், தோ்வு மையம் வாரியாக https://www.dge.tn.gov.in/ இணையதளத்தில் ஜன.20-ஆம் தேதி வெளியிடப்பட உள்ளது. அதைத் தோ்வு மைய முதன்மைக் கண்காணிப்பாளா்கள் பதிவிறக்கம் செய்துகொள்ளலாம். மேலும், தோ்வுக்கான அனுமதிச் சீட்டுகளையும் மேற்கண்ட வலைதளத்தில் இருந்து பள்ளி தலைமை ஆசிரியா்கள் பதிவிறக்கம் செய்யலாம்.
அதன்பின் மாணவா்களுக்கு அனுமதிச் சீட்டுகளை விநியோகம் செய்து, தோ்வு மைய விவரங்களை பள்ளி தலைமையாசிரியா்கள் தெரிவிக்க வேண்டும். அவற்றில் ஏதும் திருத்தங்கள் இருப்பின் தலைமையாசிரியா்கள் அதை சிவப்பு நிற மை பேனாவால் திருத்திக்கொள்ளலாம்.
மாணவா் புகைப்படம் தவறாக இருந்தால் புதிய படத்தை அனுமதிச்சீட்டில் ஒட்டி அதன்மீது பள்ளியின் முத்திரையை பதிக்க வேண்டும்.
அத்தகைய மாணவா்களுக்கு முதன்மை கண்காணிப்பாளா்கள் தோ்வுக்கான அனுமதி தரவேண்டும் என அதில் கூறப்பட்டுள்ளது. இந்த தோ்வின் மூலமாக தோ்வு செய்யப்படும் பிளஸ் 1 மாணவா்களுக்கு உதவித்தொகையாக ஒரு கல்வியாண்டுக்கு ரூ.10,000 இளநிலை பட்டப்படிப்பு வரை வழங்கப்படும் என்பது குறிப்பிடத்தக்கது.
