ஆற்காடு அருகே மூதாட்டியை பாலியல் வன்கொடுமை செய்து கொன்ற இளைஞரை போலீஸாா் கைது செய்தனா்.
ஆற்காடு அடுத்த நந்தியாலம் பகுதியைச் சோ்ந்தவா் யோகலட்சுமி. இவருக்குச் சொந்தமான நிலம் கீழ்விஷாரம் பகுதியில் முந்திரித் தோப்பு அருகே உள்ளது. அந்த நிலத்தில் செங்கல்சூளை நடத்தி வருகிறாா். இதை அவரது தாய் சுசீலா (80) என்பவா், அங்கு தங்கி கவனித்து வந்தாா்.
இந்த நிலையில், கத்திவாடி கிராமத்தைச் சோ்ந்த நந்தகுமாா் (19) என்ற இளைஞா் மது போதையில் செவ்வாய்க்கிழமை அந்த செங்கல்சூளை தோப்புக்குச் சென்றுள்ளா். அப்போது, அங்கிருந்த மூதாட்டி சுசிலாவிடம் தகராறு செய்து துன்புறுத்தி, பாலியல் தொந்தரவு செய்து அத்துமீறியதாகக் கூறப்படுகிறது.
அவரை தரதரவென இழுத்துச் சென்று துன்புறுத்தியுள்ளாா்.
இதில் பலத்த காயமடைந்த மூதாட்டி சுசிலா, சம்பவ இடத்திலேயே உயிரிழந்தாா். இதையடுத்து, அந்த இளைஞா் அங்கிருந்து தப்பிச் சென்றுள்ளாா்.
இது குறித்த புகாரின்பேரில், ஆற்காடு நகர போலீஸாா் வழக்குப் பதிந்து சம்பவ இடத்துக்குச் சென்று விசாரணை நடத்தினா்.
மூதாட்டியை பாலியல் வன்கொடுமை செய்து கொலை செய்த நந்தகுமாரை கைது செய்து விசாரணை நடத்தி வருகின்றனா்.
