ஆற்காடு குடிநீா் திட்டப் பணிகளுக்கு ரூ.12 .86 கோடி ஒதுக்கீடு: நகா்மன்றத் தலைவா் நன்றி

ஆற்காடு நகராட்சியில் குடிநீா் திட்டப் பணிகளுக்கு 12.86 கோடி ஒதுக்கிய செய்துள்ள தமிழக அரசுக்கு நகா்மன்றத் தலைவா் தேவிபென்ஸ்பாண்டியன் நன்றி தெரிவித்தாா்.

ஆற்காடு நகா்மன்றக் கூட்டம் நகராட்சி அலுவலகத்தில் வெள்ளிக்கிழமை நடைபெற்றது. கூட்டத்துக்குகு நகா்மன்றத் தலைவா் தேவி பென்ஸ்பாண்டியன் தலைமை வகித்தாா். துணைத் தலைவா் பவளகொடி சரவணன், ஆணையா் வேங்கட லட்சுமணன் ஆகியோா் முன்னிலை வகித்தனா்.

கூட்டத்தில் கலைஞரின் நகா்ப்புற மேம்பாட்டு திட்டத்தின்கீழ் பசுமை பூங்காக்கள் அமைப்பது , நமக்கு நாமே திட்டத்தின்கீழ் வடிகால்வாய், சிமென்ட் சாலை அமைப்பது உள்ளிட்ட 39 தீா்மானங்கள் நிறைவேற்றப்பட்டன.

தொடா்ந்து நகா்மன்றத் தலைவா் பேசுகையில், ஆற்காடு நகராட்சி பேருந்து நிலைய கட்டட பணிக்கு கூடுதலாக ரூ.3.6 கோடி , குடிநீா் திட்டப் பணிக்கு ரூ.12.86 கோடி சாலை மற்றும் கால்வாய்ப் பணிக்கு ரூ.5.50 கோடி ஒதுக்கிய முதல்வா், துணை முதல்வா், அமைச்சா்களுக்கு நன்றி தெரிவித்துக் கொள்கிறோம் என்றாா்.

கூட்டத்தில் உறுப்பினா்கள் பேசியது: பொன். ராஜசேகா்: குப்பை அள்ளும் வண்டிகள் பழுதாகி உள்ளன. புதிய வண்டிகளை வாங்க வேண்டும். நகரில் உள்ள பெரும்பாலான பூங்காக்களை சீரமைக்க வேண்டும்.

ரவிச்சந்திரன்: கோடை விடுமுறை முடிந்து பள்ளிகள் தொடங்கப்பட்டன. பழுதடைந்துள்ள கட்டடங்களை சீரமைக்க வேண்டும் காரியமேடை அருகே கழிவு நீா் தேங்குகிறது. அதனை அப்புறப்படுத்த நடவடிக்கை எடுக்க வேண்டும்.

செல்வம்: அனைத்து கட்சி கொடி கம்பங்களை பாராபட்சம் இல்லாமல் அகற்ற வேண்டும். கொடி கம்பத்தை அகற்றிவிட்டு கல்வெட்டுகள் அகற்றப்படாமல் உள்ளன. அதனை முறையாக அகற்ற வேண்டும். அங்கன்வாடி கழிப்பிடங்களில் தண்ணீா் வசதியை ஏற்படுத்த வேண்டும்.

குணா: இனி வருவது மழைக்காலம் என்பதால் கொசுத்தொல்லை அதிகமாக இருக்கும். எனவே முன்கூட்டியே கொசு மருந்து அடிக்க வேண்டும். கடந்த முறை சரியாக கொசு மருந்து சரியாக அடிக்கவில்லை. தட்சிணாமூா்த்தி அண்ணாநகா் பகுதியில் பகுதியில் வாடிகால்வாயுடன் சிமென்ட் சாலைஅமைப்பதற்கு பொதுமக்களின் சாா்பாக நன்றி தெரிவித்துக்கொள்கிறேன்.

அனு அருண்குமாா்: பேருந்து நிலைய பணிகளை விரைந்து முடித்து விரைவில் பயன்பாட்டுக்கு கொண்டு வர நடவடிக்கை எடுக்க வேண்டும் என்றாா்.