மேச்சேரி காவிரி கல்லூரியில் தொழில்முனைவோா் சந்தை கண்காட்சி

மேச்சேரி காவிரி கலை, அறிவியல் கல்லூரியில் தொழில்முனைவோா் சந்தை கண்காட்சி வியாழக்கிழமை நடைபெற்றது.

கல்லூரியின் முதல்வா் செல்வகுமாா் வரவேற்றாா். தி காவிரி கல்வி நிறுவனங்களின் செயலாளா் இளங்கோவன், ஒருங்கிணைப்பாளா் ரேவதி இளங்கோவன் ஆகியோா் கண்காட்சியைத் தொடங்கிவைத்தாா். ஆடை வகைகள், முளைக்கட்டிய தானியங்களால் செய்யப்பட்ட பாரம்பரிய உணவுகள், ஊட்டச்சத்து மிகுந்த இயற்கை உணவுகள் என பல்வேறு பொருள்கள் கண்காட்சியில் காட்சிப்படுத்தப்பட்டிருந்தன.

கண்காட்சியில் தி காவிரி கல்வி நிறுவனங்களின் கௌரவத் தலைவா் நடேசன், தலைவா் அன்பழகன், துணைத் தலைவா் மதன் காா்த்திக், தாளாளா் ராமநாதன், முதன்மைச் செயல் அலுவலா் சண்முகநாதன், செயல் அலுவலா் கருப்பண்ணன், காவிரி கலை, அறிவியல் கல்லூரியின் பேராசிரியா்கள், கல்லூரியின் தொழில் முனைவோா் மேம்பாட்டு மைய ஒருங்கிணைப்பாளா் பாரதி ஆகியோா் கலந்து கொண்டு மாணவா்களுக்கு பாராட்டு தெரிவித்தனா்.