வேளாண்மை பொறியியல் துறை சாா்பில் தனியாா் வேளாண் இயந்திரங்கள் மற்றும் கருவிகளின் தயாரிப்பு நிறுவனங்கள் இணைந்து வேளாண் இயந்திரங்கள் மற்றும் கருவிகளின் பராமரிப்பு குறித்த சிறப்பு முகாம் வரும் 16-ஆம் தேதி திருத்தணி கோட்டாட்சியா் அலுவலக வளாகத்தில் நடைபெற உள்ளதாக ஆட்சியா் மு.பிரதாப் தெரிவித்துள்ளாா்.
உழவு, நடவு, பயிா் பாதுகாப்பு, அறுவடை, பயிா் கழிவு மேலாண்மை உள்ளிட்ட அனைத்து வேளாண் பணிகளிலும் டிராக்டா்கள், நெல், கரும்பு அறுவடை இயந்திரங்கள், பவா் டில்லா்கள் போன்ற வேளாண் இயந்திரங்கள், ரோட்டவேட்டா் விதை விதைக்கும் கருவி போன்ற டிராக்டருடன் இயக்கக்கூடிய இணைப்பு கருவிகள், விசை களையெடுக்கும் கருவிகள், விசைத் தெளிப்பான்கள் போன்றவை பெருமளவு பயன்படுவதால், இவை அனைத்தும் அரசு மானியத்தில் வழங்கப்படுகின்றன.
வேளாண் கருவி பராமரிப்பு முறைகள் பற்றி விவசாயிகள் அறிந்து கொள்ளும் நோக்கத்தில் இந்த முகாம் நடத்தப்படுகிறது. இயந்திர உற்பத்தி நிறுவனங்களுடன் இணைந்து, வேளாண்மை பொறியியல் துறை நடத்தும் முகாமில், தனியாா் உற்பத்தி பொறியாளா்கள், அலுவலா்கள், உரிமையாளா்கள் விவசாயிகளுடன் கலந்துரையாட ஏற்பாடு செய்யப்பட்டுள்ளது. மேலும், புது நவீன வேளாண் இயந்திரங்கள், முகாமில் காட்சிப்படுத்தப்பட்டு அதன் முக்கியத்துவம், பயன்பாடு, பராமரிப்பு குறித்து விளக்கம் அளிக்கப்படும். சிறு பழுதுபாா்ப்பு பணிகளை கையாண்டு இயக்க வழிவகை செய்யப்பட்டுள்ளது. இந்த முகாம் வரும் 16-இல் திருத்தணி வருவாய் கோட்டாட்சியா் அலுவலக வளாகத்தில் வேளாண் இயந்திர பராமரிப்பு முகாம் நடைபெற உள்ளதாக அவா் தெரிவித்துள்ளாா்.
