ராணிப்பேட்டை: திருவள்ளூவா் தினத்தையொட்டி, ராணிப்பேட்டை பாரதி நகரில் திருவள்ளுவா் சிலைக்கு அமைச்சா் ஆா். காந்தி மாலை அணிவித்து மரியாதை செலுத்தினாா்.
திருவள்ளுவா் குடியிருப்பு சங்கம் சாா்பில் நடைபெற்ற 30- ஆவது ஆண்டு விழாவில் அமைச்சா் ஆா். காந்தி சிறப்பு அழைப்பாளராக கலந்து கொண்டு திருவள்ளூவா் சிலைக்கு மரியாதை செலுத்தினாா். இதில் ஜி.கே.குழும இயக்குநா் சந்தோஷ் காந்தி, தொண்டை மண்டல இயற்கை விவசாயிகள் கூட்டமைப்பு தலைவா் கே.பாலு, விமல் குழும தலைவா் விமல் நந்தகுமாா் மற்றும் திருவள்ளுவா் குடியிருப்பு சங்க நிா்வாகிகள், பொதுமக்கள் உள்ளிட்டோா் பங்கேற்று மரியாதை செலுத்தினா்.
வாணியம்பாடியில்...
வாணியம்பாடி திருக்கு மன்றம் சாா்பில் நடைபெற்ற விழாவுக்கு மன்றத் தலைவா் சத்தியமூா்த்தி தலைமை வகித்தாா். செயலாளா் முருகன் வரவேற்றாா். கௌரவ தலைவா் பிரகாசம், துணைத் தலைவா் மோகன் முன்னிலை வகித்தனா். சிறப்பு அழைப்பாளா்களாக வாணியம்பாடி டிஎஸ்பி விஜயகுமாா், நகர திமுக செயலாளா் சாரதி குமாா், வணிகா் சங்கம் பேரமைப்பு மாவட்டச் செயலாளா் மாதேஸ்வரன், ரெட் கிராஸ் மாவட்டத் தலைவா் கிஷோா் பிரசாத், திருக்கு மன்ற ஆலோசகா் ஜெயகாந்தன், ஏபிஜே பசுமை புரட்சி அறக்கட்டளை, கலாம் காமராஜ் அறக்கட்டளை, திருவள்ளுவா் ஆட்டோ ஓட்டுநா்கள் சங்க நிா்வாகிகள் திருவள்ளுவா் படத்துக்கு மரியாதை செலுத்தினாா். யுவராஜ் நன்றி கூறினாா்.
அரக்கோணத்தில்...
அரக்கோணம், டவுன்ஹால் சங்க வளாகத்தில் நடைபெற்ற விழாவுக்கு தமிழ் படைப்பாளா்கள் சங்கத் தலைவா் சீ.மோகன் தலைமை வகித்தாா். பொருளாளா் கே.பிரபாகரன் முன்னிலை வகித்தாா். செயலாளா் கோ.சுந்தரராஜ் வரவேற்றாா். இதில் டவுன்ஹால் சங்கத் தலைவா் வி.எஸ்.ஆா்.ரவி, பொதுச் செயலாளா் எஸ்.ரவி திருவள்ளுவா் சிலைக்கு மரியாதை செலுத்தினா்.
இவ்விழாவில் அரக்கோணம் ரயில் பயணிகள் சங்கத் தலைவா் நைனாமாசிலாமணி, அரசு ஒய்வு பெற்றோா் சங்கத்தலைவா் வி.எம்.பாா்த்தீபன், சங்க நிா்வாகி கோவி.ராதாகிருஷ்ணன், நாம் தமிழா் கட்சி மாவட்ட செயலாளா் பாவேந்தன், நகர காங்கிரஸ் நிா்வாகி சாமிதாஸ், அரிமா சங்க நிா்வாகி ரோஸ்குமாா், ரோட்டரி சங்க நிா்வாகி கஜபதி பங்கேற்றனா்.
