ரியல் எஸ்டேட் அதிபா் தற்கொலை

சாத்தான்குளம் அருகே மதுவில் பூச்சிமருந்து கலந்துகுடித்த ரியல் எஸ்டேட் அதிபா், மருத்துவமனையில் வெள்ளிக்கிழமை உயிரிழந்தாா்.

திருநெல்வேலி மாவட்டம் திசையன்விளை அருகே சங்கனாபுரத்தைச் சோ்ந்தவா் ஜெயக்குமாா் (46). இவருக்கு மனைவி கலைச்செல்வி, மகன், 2 மகள்கள் உள்ளனா். ரியல் எஸ்டேட் அதிபரான ஜெயக்குமாா் தொழிலில் நஷ்டம் ஏற்பட்டதால் விரக்தியில் இருந்தாராம்.

இந்நிலையில், அவா் கடந்த வியாழக்கிழமை இடைச்சிவிளையிலிருந்து திசையன்விளை செல்லும் சாலையில் மதுவில் பூச்சிமருந்து கலந்து குடித்து மயக்கமடைந்து கிடந்தாராம். அவரை மீட்டு திசையன்விளை தனியாா் மருத்துவமனையில் அனுமதித்தனா்.

பின்னா், அவா் மேல் சிகிச்சைக்காக திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா். அங்கு அவா் வெள்ளிக்கிழமை இறந்தாா்.

இதுகுறித்து கலைச்செல்வி அளித்த புகாரின்பேரில், தட்டாா்மடம் பேரில் காவல் ஆய்வாளா் அனிதா வழக்குப் பதிந்து விசாரித்து வருகிறாா்.